SteppeNews.kz: 21 мамырдан бастап Қазақстан кинотеатрларында «Бабай» отбасылық комедиясы көрерменге жол тартты. Фильмде әке мен қыздың қарым-қатынасын әзілмен, жылылық және жеңіл мистикалық реңк арқылы баяндайды. Фильмдегі негізгі рөлдердің бірін семейлік жас актриса Жанель Серікбол сомдады. Жанель үшін бұл — толықметражды фильмдегі алғашқы басты рөлі. Бұған дейін ол көрерменге «Балапан» телеарнасының жүргізушісі ретінде таныс болған. Ал «Бабай» оның үлкен киноға жасаған алғашқы қадамына айналды. Басты кейіпкер рөліне Қазақстанның түкпір-түкпірінен мыңнан астам қыз қатысқан. Алайда кастингтен сәтті өтіп, рөлге Жанель бекітілді. Жоба авторларының айтуынша, олар түсірілім тәжірибесі бар баланы емес, эмоцияны шынайы жеткізе алатын табиғи образ іздеген. Бұл талапқа Жанель толық сай…
Автор: Saya
SteppeNews.kz: Қазақстан Республикасы Оқу-ағарту министрлігі 2026–2027 оқу жылына арналған бірінші сыныпқа құжат қабылдауды кезең-кезеңімен ұйымдастыру кестесін бекітті. Құжат қабылдау 2026 жылғы 27 мамыр мен 31 тамыз аралығында жүргізіледі. Бұл тәсіл ақпараттық жүйелерге түсетін жүктемені азайтып, ата-аналар үшін өтініш беру процесін барынша ыңғайлы ұйымдастыруға мүмкіндік береді. Құжаттарды электрондық үкімет порталында тіркелу арқылы OQU платформасы арқылы онлайн форматта, сондай-ақ білім беру ұйымдарына тікелей жүгіну арқылы тапсыруға болады. Өңірлер бойынша қабылдау мерзімдері төмендегідей бөлінген: 27 мамыр – 31 тамыз аралығында: Астана қаласы, Абай, Жетісу, Қызылорда және Батыс Қазақстан облыстары құжат қабылдайды. 10 маусым – 31 тамыз аралығында: Алматы қаласы, Ақмола, Ақтөбе, Жамбыл және…
SteppeNews.kz: Соңғы уақытта әлеуметтік желілерде «аутизмді толық емдеу», «жалған аутизм» секілді ғылыми негізі жоқ теориялар туралы мәлімдемелер жиілеп кетті. Осыған байланысты, ҚР Денсаулық сақтау министрлігі азаматтарды кез келген ақпаратқа сын көзбен қарауға және тек дәлелді медицинаға сенуге шақырады. Аутизм туралы не білу керек? Аутизм спектрінің бұзылыстары (AСБ) — бұл халықаралық медициналық қауымдастық ресми мойындаған нейродаму ерекшелігі. Қоғамда қалыптасқан жаңсақ пікірлерге қарамастан, аутизмнің пайда болуына төмендегі факторлар әсер етпейді: Тәрбиенің дұрыс болмауы; Гаджеттерді қолдану; Вакцинациялау. Маңызды: Бүгінгі таңда аутизмді «тез және толық емдеп жазуға» қабілетті ғылыми дәлелденген медициналық әдіс жоқ. Жалған терапияның қаупі «Ғажайып» терапиялар мен күмәнді дәрі-дәрмектерді ұсынатын жалған ғылыми…
SteppeNews.kz: Мемлекет басшысы Қасым-Жомарт Тоқаев Мәдениет және өнер қызметкерлері күніне орай ұйымдастырылған салтанатты шараға қатысып, сала майталмандарын кәсіби мерекелерімен құттықтады. Президент өз сөзінде мәдениетті ұлттық болмыстың өзегі деп атап өтіп, ел руханиятын дамытуға үлес қосып жүрген азаматтардың еңбегін жоғары бағалады. Жиын барысында Мемлекет басшысының Жарлығымен мәдениет саласында ерекше көзге түскен бір топ өнер иелері мен мамандар мемлекеттік наградалармен марапатталды. Марапаттау рәсімінде Алматы қаласындағы «Ұлттық өнер» ЖШС директоры Татьяна Николаевна Бурмистрова мен «Роза Бағланова атындағы «Қазақконцерт» мемлекеттік академиялық концерттік ұйымының» солисі Мақпал Мұхамедьярқызы Жүнісова ІІ дәрежелі «Барыс» орденімен марапатталды. Сондай-ақ, журналист Әлия Мейрамғазықызы Әшім және театр мен кино актері Жасұлан Ерболұлы…
SteppeNews.kz: Алатаудағы аэротакси бағасы премиум такси тарифімен шамалас болуы мүмкін. Бұл туралы Alatau City Authority мемлекеттік қорының басшысы Алишер Абдыкадыров мәлімдеді, деп хабарлайды SteppeNews.kz Курсив-ке сілтеме жасап. Оның айтуынша, шетелдік тәжірибеге сүйенсек, аэротаксимен ұшу құны бір адамға шамамен әр шақырымға 1 долларды құрайды. Қазақстанда да осыған ұқсас тариф енгізу жоспарланып отыр. Баға сұранысқа байланысты өзгеруі мүмкін. «Қазір таксиде “Эконом”, “Комфорт”, “Комфорт+” сияқты түрлі тарифтер бар. Аэротакси бағасы солардың ішіндегі ең жоғары санаттағы тарифке жақын болады. Бұл көліктің басты артықшылығы – кептеліссіз, бір нүктеден екінші нүктеге тікелей жетуге мүмкіндік береді», – деді Алишер Абдыкадыров. Сондай-ақ, вертипорттар тау кластері мен Қапшағай бағытын…
SteppeNews.kz: 2026 жылғы 19 мамырда Маңғыстау облысы Түпқараған ауданындағы Каспий теңізі жағалауынан 35 дана итбалық өлексесі табылды. Бұл туралы Қазақстан Республикасы Ауыл шаруашылығы министрлігінің Балық шаруашылығы комитеті хабарлады. Комитет мәліметінше, мониторинг жұмыстарын Каспий теңізі мемлекеттік табиғи резерваты қызметкерлері Жайық-Каспий облысаралық бассейндік балық шаруашылығы инспекциясымен және жергілікті атқарушы орган өкілдерімен бірлесіп жүргізген. Нәтижесінде теңіз жағалауынан қатты ыдыраған күйдегі (2-4 кезең) итбалық өлекселері анықталған. Мамандардың айтуынша, өлекселердің жағаға шығуына батыстан соққан күшті дауыл себеп болуы мүмкін. Сонымен қатар, барлық жануарлардың бір мезетте қырылуы ықтимал екені де айтылды. Каспий итбалығын зерттеумен айналысатын Гидробиология және экология институты мамандары тіс, жүн және тырнақ сынамаларын алған.…
SteppeNews.kz: Ұлыбританиядағы Radio Caroline радиостанциясы техникалық қателік салдарынан король Чарльз III-тің қайтыс болғаны туралы жалған ақпарат таратып жіберген. Эфир кезінде радиостанция күтпеген жерден британ монархы қайтыс болған жағдайда қолданылатын арнайы хаттаманы іске қосқан. Осыдан кейін эфирде Ұлыбританияның мемлекеттік әнұраны – «Құдай корольді сақтасын» шырқалған. Тыңдармандардың бірінің айтуынша, одан кейін радиостанцияның хабар таратуы шамамен 15 минутқа тоқтап қалған. Кейінірек Radio Caroline директоры Питер Мур бұл жағдайды техникалық ақаумен түсіндірді. Facebook желісінде жарияланған хабарламада ол 19 мамыр, сейсенбі күні бас студиядағы компьютерлік қате салдарынан мемлекет басшысы қайтыс болған жағдайда қолданылатын «Монархтың қазасы» процедурасы кездейсоқ іске қосылғанын айтқан. «Мәртебелі Корольден және тыңдармандарымыздан туындаған…
SteppeNews.kz: 2026 жылғы 1 шілдеден бастап Қазақстанның жылжымайтын мүлік нарығында екі маңызды өзгеріс күшіне енеді: ипотека бойынша шекті жылдық тиімді сыйақы мөлшерлемесінің (ЖТСМ) шектелуі және жаңа Құрылыс кодексінің іске қосылуы. Qazaq Expert Club-тың құрылыс саласындағы сарапшысы Диляра Сейтнұрованың айтуынша, бұл шаралардың әрқайсысы жеке-жеке нарықты айтарлықтай өзгерте алады. Ал олардың бір мезгілде енгізілуі құрылыс секторы жұмысының жаңа моделін қалыптастырады. «Бір жағынан, ипотекалық қаржыға қолжетімділік тарылып жатыр. Екінші жағынан, құрылыс компанияларына қойылатын талаптар күрт күшейеді. Нарық үшін бұл – реттеушілік өзгерістердің өте сирек кездесетін сәйкестігі», – дейді сарапшы. 20% ипотека: не өзгереді 2026 жылғы мамырда ҚНРДА мен Ұлттық банк ипотекалық қарыздар бойынша…
SteppeNews.kz: Биыл 27, 28 және 29 мамыр күндері атап өтілетін Құрбан айт мерекесіне орай Алматы қаласында мал сату және құрбандық шалуға арналған 12 арнайы алаң белгіленді. Бұл туралы SteppeNews.kz сайты Алматы қаласы әкімдігінің баспасөз қызметіне сілтеме жасап хабарлайды. Мерекелік айт намазы 27 мамыр күні сағат 06:00-де қаланың барлық 56 мешітінде оқылады. Өңірлік коммуникациялар қызметінің алаңында өткен брифингте Алматы қаласының бас имамы Төлеби Оспан мерекеге дайындық барысын баяндады. Биыл мегаполистегі мерекелік шараларға 100 мыңға жуық адам қатысады деп күтілуде. Оқиғаның ауқымдылығына байланысты мемлекеттік органдар қоғамдық қауіпсіздікті қамтамасыз ету, санитарлық және ветеринарлық талаптардың сақталуын бақылау, сондай-ақ мерекені ұйымшылдықпен өткізу бағытында кешенді ведомствоаралық…
SteppeNews.kz: Дүниежүзілік денсаулық сақтау ұйымы Конго Демократиялық Республикасы мен Уганда аумағында Эбола қызбасының өршуіне байланысты халықаралық деңгейдегі төтенше жағдай жариялады. Мамандардың айтуынша, бұл жолғы індеттің таралуына вирустың сирек кездесетін түрі — Bundibugyo штаммы түрткі болып отыр. Қазіргі таңда медицинада бұл нақты штаммға қарсы арнайы вакцина немесе бекітілген тиімді ем әлі де жоқ. Эбола вирусы дертке шалдыққан адамдармен немесе жабайы жануарлармен тікелей байланыс кезінде, сондай-ақ олардың биологиялық сұйықтықтары арқылы жұғады. Осыған байланысты жеке бас гигиенасын қатаң сақтау және сапар кезінде барлық сақтық шараларын қарастыру өмірлік маңызды болып табылады. Саяхатқа шықпас бұрын баратын еліңіздегі эпидемиологиялық ахуалды алдын ала зерттеп, қауіп-қатерді бағалап алу…