2 маусым күні Шыңжаңдағы Жібек жолының «алтын торабы» атанып кеткен Алашанькоу қаласында Халықаралық коммуникациялар орталығының ашылу рәсімі өтті. Салтанатты шараға Қазақстан, Қырғызстан, Тәжікстан, Өзбекстан және Орталық Азияның өзге де елдерінен келген оннан астам жетекші бұқаралық ақпарат құралының өкілдері қатысты деп хабарлайды SteppeNews.kz. Алашанькоу Шыңжаңның солтүстік-батысында орналасқан және Қазақстанмен шектеседі. Шыңжаңның батыс бағытындағы ашықтық саясатын жүзеге асыратын көптеген өткізу бекеттерінің ішінде Алашанькоу стратегиялық маңызы жоғары негізгі тораптардың бірі саналады. Қытайдың Шыңжаң өңірі әлемге бұрынғыдан да кеңірек ашылып, көршілес елдермен және халықаралық қауымдастықпен байланысы нығайған сайын өңірге деген қызығушылық та артып келеді. Осы қажеттілікті ескере отырып, Алашанькоу Халықаралық коммуникациялар орталығы құрылды. Орталықтың…
Автор: Saya
БЖЗҚ зейнетақы жинағын алудың жаңа жеткіліктілік шектерін жариялады. Жыл сайынғы қайта есептеуге байланысты лимиттер өзгерді, — деп хабарлайды SteppeNews.kz BAQ.kz-ке сілтеме жасап. Қолжетімді қаражат көлемі азайды. Жас ерекшеліктеріне қарай зейнетақы жинағын мерзімінен бұрын алу үшін қажетті ең төменгі жеткіліктілік шектер: 20 жас – 6,67 млн теңге 30 жас – 9,75 млн теңге 40 жас – 13,37 млн теңге 50 жас – 17,59 млн теңге 60 жас – 22,5 млн теңге 62 жас – 23,57 млн теңге
Қазақстанда зейнетақы аннуитетіне қатысты жаңа өзгеріс күшіне енді. Бұдан былай мұрагерлер шоттағы қаражатты бұрынғыдай ай сайын бөліп алып қана қоймай, қалдық соманы бірден толық алуына болады,- деп хабарлайды SteppeNews.kz. Депутат Асхат Аймағамбетовтың айтуынша, бұрын аннуитет алушы қайтыс болған жағдайда отбасы қаражатты тек ұзақ жылдар бойы ай сайын аз мөлшермен алатын. Енді таңдау отбасының өз еркінде. Екі таңдау бар: бірі, ай сайынғы төлемді жалғастыру, екіншісі, барлық соманы бірден алу.
Қазақстан мен БАӘ арасындағы тұрақты әуе қатынасы қайта жанданады. Air Astana әуе компаниясы маусымның 20-сынан бастап Алматы–Дубай–Алматы, ал 10 шілдеден бастап Астана–Дубай–Астана бағытында рейстерді кезең-кезеңімен іске қосады, — деп хабарлайды SteppeNews.kz. Ұшулар Иран әуе кеңістігінің жабылуына байланысты Пәкістан арқылы орындалады. Алматыдан Дубайға рейстер саны маусымның соңына қарай күн сайын орындалады. Астанадан Дубайға қатынас шілде–тамыз аралығында біртіндеп күнделікті рейске дейін кеңейтіледі. Компания билеттерін 31 шілдеге дейін қайта брондаған жолаушыларға тегін қайта брондау мүмкіндігін береді. Ал аймақтағы жағдайға қарай кестеге түзетулер енгізілуі мүмкін.
Әзілкеш Нұрлан Сабыровқа қатысты тексеріс аяқталды. Бұған дейін Сабыров Ресей әскері мен Украинадағы қақтығысқа қатысып жатқандарға материалдық көмек көрсетті деген ақпарат тараған еді, — деп хабарлайды SteppeNews.kz. “Тексеру нәтижесінде құқықбұзушылық белгілері анықталған жоқ”, — деп мәлімдеді Ұлттық қауіпсіздік комитеті. Нәтижесінде Нұрлан Сабыровқа қатысты қылмыстық іс қозғалмайтын болды. Қосымша ақпар, тексеру Қылмыстық кодекстің 170-бабы (“Жалдаушылық”) бойынша жүргізілген. Бұл бап соғысқа немесе қарулы әрекеттерге адамдарды тарту, оқыту, қаржыландыру сияқты әрекеттерді қамтиды.
Ұлттық банк базалық мөлшерлемені 17%-ға дейін төмендетті. Мұндай шешімді ақша-кредит саясаты комитеті инфляцияның баяулауы мен макроэкономикалық көрсеткіштердің жақсаруына байланысты қабылдады, — деп хабарлайды SteppeNews.kz. Ұлттық банк келтірген дерекке сәйкес, мамыр айында инфляция 10,4%-ға дейін төмендеді. Азық-түлік бағасының өсу қарқыны бәсеңдеп, қызмет көрсету инфляциясы 8,7%-ға тең болды. Қаржы реттеушісі 2026 жылы экономикалық өсім 4,5-5,5% аралығында болады деп болжап отыр. Келесі жоспарлы шешім 2026 жылғы 24 шілдеде жарияланады.
Қасым-Жомарт Тоқаев елдегі сот жүйесіне қатысты пікір білдірді. Президент бұрын азаматтардың мемлекеттік органдардың шешімдеріне шағымдануы қиын болғанын атап өтті,-деп хабарлайды SteppeNews.kz. Stan.kz-ке сілтеме жасап. Әкімшілік әділет енгізілгеннен кейін соттардың жартысынан көбі азаматтар мен бизнес пайдасына шешім шығара бастағанын жеткізді. “Қоғамымыз «судьялар әрдайым билік өкілдерін жақтайды» деген қасаң пікірден арыла бастады”, – деді Тоқаев “Әкімшілік әділет және оның құқық үстемдігін қамтамасыз ету ісіндегі рөлі” атты халықаралық форумда.
Астанадағы LRT «Тарлан Астана» деп аталады. Қалалық мәслихат отырысында жеңіл рельсті көлік жүйесінің атауын өзгерту ұсынылды, — деп хабарлайды SteppeNews.kz BAQ.kz-ке сілтеме жасап. Астана қаласының Тілдерді дамыту және мұрағат ісі басқармасы басшысының міндетін атқарушы Досжан Исабек осылай деп мәлімдеді. Ономастика комиссиясы бірнеше нұсқаны талқылады. Нұсқалардың ішінде: «Қыран», «Құлан», «Аспан», «Тарлан» және басқа да атаулар болған. Комиссия мүшелері LRT-ға «Тарлан Астана» атауын беруді бірауыздан қолдады. Басқарма өкілдерінің айтуынша, жаңа атау ұлттық болмысқа сай, есте сақтауға жеңіл әрі халықаралық форматқа бейімделген. «Тарлан» сөзі қазақ дүниетанымында еркіндік, жылдамдық, күш-қуат пен сенімділікті білдіреді.
Қазақстан, Қырғызстан, Тәжікстан, Өзбекстан және Орталық Азияның өзге де елдерінен келген оннан астам жетекші бұқаралық ақпарат құралының өкілдері 1 маусым күні Шыңжаңдағы Бортала-Моңғол автономиялық округіне (БМАО) келіп, бес күнге жоспарланған таныстыру сапары мен жергілікті жерлердегі репортаждар бағдарламасын бастады. Сол күні делегацияның жұмыс сапары БМАО-ның Цзинхэ ауданында басталды. Қатысушылар Мутэтар шөлді туристік аймағында, Цзиньфу қауымдастығында және Толи кентіне қарасты Дачжуанцзы ауылындағы годжи жидегі плантациясында болды. Олар жергілікті туризмнің дамуы, мәдени туризм, материалдық емес мәдени мұраны сақтау бағыттарымен танысып, годжи жидегін жинау жұмыстарына қатысты. Цзиньфу қауымдастығында делегация мүшелері дәстүрлі өнер үлгілерін тамашалап, қағаздан ою жасау сияқты халықтық қолөнер шеберлерінің жұмысымен танысты. Сонымен…
Шыңжаңдағы Бортала-Моңғол автономиялық округінде (бұдан әрі – БМАО) кеңінен танылған «интернет жұлдызына» айналған туристік ауылдардың бірі – Алионбай жаңа ауылында түскі уақытта тандырда пісірілген самса мен еттің хош иісі бүкіл ауылды жайлайды. Оқиғаларды жариялау үшін келген Орталық Азияның жетекші БАҚ делегациясы ауылдағы қонақ үйлер мен көшелерді аралап, тандыр тағамдарынан дәм татып, жергілікті ауыл туризмінің қарқынды дамуын қызу талқылады. 1–3 маусым аралығында Орталық Азияның жетекші БАҚ өкілдерінен құралған делегация Цзинхэ ауданында, Алашанькоу қаласында және Борталада болып, таныстыру сапары мен сұхбаттар өткізді. Сапар бағдарламасы әлі жартысына да жетпегеніне қарамастан, қатысушылар БМАО-ның қарқынды дамуы мен өміршеңдігін терең сезіне алды. «Аргументы и факты» газетінің…