Автор: qaztimes

Атырау облысындағы Махамбет ауданында су тасқынынан шурауа қожалықтары зардап шекті. Осы аудан аумағымен өтетін Атырау-Орал трассасының бірнеше тұсы жырылды. Махамбет ауданының әкімі Қайрат Нұрлыбаевтың айтуынша, қазір егістік алқабын, өзге жер телімін су басқан шаруа қожалықтарының жетекшілерінен өтемақы алу үшін өтініш қабылдау басталған. «Жайық өзенінің арнасынаа шыққан су тасқыны кезінде 100-ге жуық шаруа қожалығы зардап шекті. Қазір арнайы комиссия құрылып, жұмысын бастады. Шаруа қожалықтарынан өтемақы үшін өтініш қабылданып жатыр. Заңдылыққа сәйкес, шаруашылықтардың суда қалған жері әбден құрғаған соң тиісті зерделеу, бағалау жұмысы жалғасады», — деді Қайрат Нұрлыбаев. Оның айтуынша, Махамбет ауданында Жайық өзенінің жағалауына орналасқан 17 елді мекен бар. Елді мекендерді…

2023 жылдың 7 қазанынан бері Израиль армиясының Газа секторындағы шабуылдары салдарынан қаза тапқан палестиналықтардың саны 37 мың 202 адамға жетті. Газадағы Палестина денсаулық сақтау министрлігінің мәліметінше, тек соңғы 24 сағаттың ішінде израильдік әскерилер 3 рет шабуыл жасаған, соның салдарынан 38 палестиналық қаза тауып, 100 адам жараланған, деп жазады Anadolu. Израильдің Газаға 250 күннен астам жасаған шабуылдары салдарынан жараланғандардың жалпы саны 84 932-ге жетті. Қаза тапқандардың денелері әлі қираған ғимараттардың астында, жол жиектерінде жатыр. Жедел жәрдем және азаматтық қорғаныс топтары Израиль күштерінің кедергілерінен оларға жете алмай отыр. Бұған дейін Израильді геноцидте айыптаған Халықаралық сот Тель-Авивтен Израиль шабуылдарының жалғасуы салдарынан 1 миллионнан…

Күдіктілер жәбірленушінің іскерлік беделіне нұқсан келтіретін мәліметтерді таратпауы үшін ақша алып тұрған сәтінде қолға түсті. Бұл туралы Түркістан облысы полиция департаментінің баспасөз қызметі мәлімдеді. Жедел-іздестіру іс-шараларының нәтижесінде Түркістан облысы полиция департаментінің ұйымдасқан қылмысқа қарсы күрес басқармасы мен Сайрам аудандық полиция басқармасының қызметкерлері бопсалаудың бірнеше фактілеріне қатысы бар екі блогерді анықтады. Күдіктілер ұзақ уақыт бойы Сайрам ауданының аумағындағы түрлі ұйымдардың басшыларына қоқан-лоққы жасап, ақша бопсалаумен айналысып келген. «Қазіргі уақытта күдіктілер қамауға алынып, қылмыстық іс қозғалды. Заттай дәлелдемелер тәркіленді. Күдіктілердің бірі бұрын сотталған» — делінген Түркістан облысы полиция департаментінің баспасөз қызметі ұсынған ақпаратта.

Досымен Есіл өзенін кесіп өтуге бәстескен 2007 жылы туған жеткіншек суға кетті. «12 маусымда Астанада Есіл өзенінде 2007 жылы туған жасөспірім суға батып кетті. Бозбалалар өзеннің бір бетінен келесі бетіне жүзіп өтуге бәстескен. Алайда оқиға соңы, өкінішке қарай, жасөспірімнің суға батуымен аяқталып отыр», — делінген Астана қалалық Төтенше жағдайлар департаментінің ақпарында. Елордалық құтқарушылар сағат 19:02-де жеткіншектің денесін судан алып шыққан. Осы орайда, қалалық ТЖД тұрғындарға суға түскенде қауіпсіздік ережелерін сақтау керектігін тағы бір ескертеді.

Семейде «өрмекші адам» жылу желілерінің құбырына өрмелеу кезінде видеоға түсіп қалды. Сол уақытта оқиға орнында учаскелік полиция инспекторы болған. Ол суперқаһарманның қауіпсіздігіне алаңдап, құрылымнан түсуін сұрады. Полиция қызметкері Дастан Жақпанов Өрмекші адамның небәрі 16 жаста екенін білген соң оны үйіне апарды. Фото: Polisia.kz  Анасының қатысуымен онымен профилактикалық әңгіме өткізіп, мұндай ойындардың өте қауіпті екендігіне назар аударды.

Бағдарлама аясында шетел композиторларының туындылары, әлемге әйгілі опералардан үзінділер орындалды. Сонымен қатар бірнеше хореографиялық композиция ұсынылды. Фото: Ақорда Концертте жеке орындаушылармен қатар, «Астана опера» мемлекеттік опера және балет театры мен Мемлекеттік республикалық корей музыкалық комедия театрының әртістері, «Бірлік», Korean Culture Leaders ансамбльдері өнер көрсетті. Фото: Ақорда Кешті Корея ресми делегациясының өкілдері және еліміздегі этномәдени бірлестіктердің мүшелері де тамашалады. Фото: Ақорда Фото: Ақорда Фото: Ақорда Фото: Ақорда Фото: Ақорда Фото: Ақорда

 Оңтүстік Корея Президенті Юн Сок Ёльдің Қазақстандағы мемлекеттік сапарының алғашқы күнінде өткен   Қазақстан-Корей бизнес форумына қос елдің басшылығымен бірге 500-ден астам бизнес өкілі мен 50-ден астам ірі кореялық компанияның делегациялары  қатысты. Президент ұсынған прагматикалық формула Форумның ашылуында сөз алған Президент Қасым-Жомарт Тоқаев бүгінде Қазақстан нарығында Оңтүстік Кореяның 700-ден астам компаниясы жұмыс істейтінін, олардың қатарында Hyundai, KIA, Samsung, LG, Doosan секілді жаһандық корпорациялар бар екенін атап өтті. Биыл әлемдік жалпы ішкі өнімнің 60 пайыз өсімін Азия беретіні туралы болжамдар бар екенін тілге тиек еткен Мемлекет басшысы Оңтүстік Корея «Азияның қайта өрлеуінде» ең маңызды рөл атқаратынына сенім білдірді. Қазақстан өзінің шикізат…

Мемлекет басшысы KIGAM компаниясының президенті Пёнг-Ку Лиді және SK Ecoplant вице-президенті Хансоль Пэкті қабылдады. Кездесуде Қазақстанның Оңтүстік Кореямен геологиялық барлау және тау-кен өндірісі салаларындағы ынтымақтастық перспективасы талқыланды. Қасым-Жомарт Тоқаевқа Корея Геологиялық зерттеу және минералды ресурстар институтының (KIGAM) Шығыс Қазақстан облысындағы «Бакенное» литий кен орнында жүргізген барлау жұмыстары жөнінде мәлімет берілді. Фото: Ақорда Мемлекет басшысы литий өндірісін жолға қоюдың, оны өңдеудің және дайын өнім шығарудың маңызды екенін атап өтіп, «шикізат орнына инвестиция мен технология» прагматикалық формуласына сай ынтымақтастық орнату мүмкіндігін қарастыруды ұсынды. Президент SK Ecoplant компаниясының қалдықтарды игеру және су тазалау бағытындағы инновациялық тәсілдеріне жоғары баға берді. Оның пікірінше, кореялық компаниялар қалдықтарды кәдеге…

 Мемлекет басшысы Doosan Group компаниясының төрағасы Чжеонг Вон Пак пен Doosan Enerbility басқарма төрағасының орынбасары Ён Ин Чонгті қабылдады. Кездесу басында Президент су тасқыны кезінде елімізге көрсеткен көмегі үшін корей компаниясына алғыс білдірді. Мемлекет басшысының айтуынша, осындай қиын-қыстау жағдайда кәсіпкерлердің халықты қолдауы олардың әлеуметтік жауапкершілік деңгейі жоғары екенін көрсетті. Фото: Ақорда Қасым-Жомарт Тоқаевқа Түркістан облысында қуаты 1 ГВт болатын бу-газ электр станциясын салу жобасының жүзеге асырылу барысы, сондай-ақ компанияның Атырау облысында «Қарабатан» газ турбиналы электр станциясын кеңейтуге қатысу перспективалары туралы мәлімет берілді. Doosan Enerbility компаниясы Doosan Group құрамына кіреді. Бұл кәсіпорын атом электр станцияларын салуға, жылу электр станцияларын, турбиналар мен генераторлар,…

Жыл басынан бері елімізде қоғамдық тәртіпке және адамгершілікке қол сұғатын 323 105 әкімшілік құқық бұзу фактісі тіркелген. Бұл өткен жылмен салыстырғанда (2023 жылдың 5 айы-273 360) 18,2%-ға жоғары. Мұндай мәліметті Бас прокуратураның құқықтық статистика және арнайы есепке алу комитеті таратты. Жылдың басында Мемлекет басшысы Ішкі істер министрлігінде өткен алқа мәжілісінде құқық бұзушылықтың профилактикасына назар аударуды тапсырды. Осы ретте Президент тәуекел тобындағы тұлғалардың басым бөлігі уәкілетті органдардың назарынан тыс қалып отырғанын атап өтті. Осыған байланысты барлық профилактика жүйесін түбегейлі қайта қарау қажеттігі туындайды. Қазақстанда 10 жылдан астам қоғамда ұсақ бұзақылық, алкоголь ішу, қоғамдық орында тиісу, қоқыс тастау жәнебасқа жиі жасалатын әкімшілік…