Автор: amirbolat

Жаңқош Тұраровтың үстінен қылмыстық іс қозғалды. Ол 28 жастағы қызды зорлаған деген күдікке ілінді. – Келіп түскен арызға байланысты Әуезов аудандық полиция Басқармасы қылмыстық іс қозғады. Сот-медициналық сараптама тағайындалды. Қазір оқиғаның толық мән-жайын анықтау үшін тергеу жүріп жатыр, – деген жауап келді Алматы қалалық полиция департаментінің баспасөз қызметінен. Боксшының осындай айыпқа ілінгені жөнінде ақпарат әуелі әлеуметтік желіге тараған еді.

Стамбул туристік көрмесі биыл екінші рет жаңа жерде және жаңа форматта өтеді. Көрме 2024 жылдың 9-10 қазанында Йеникөпи-Аврасия көрме және өнер орталығында ұйымдастырылмақ, деп хабарлайды SteppeNews агенттігі. Іс-шараның мақсаты – Түркия мен дүние жүзіндегі туризм мамандарын біріктіру, жаңа іскерлік серіктестіктердің құрылуына ықпал ету, сондай-ақ жаңа өнімдер мен қызметтерді ілгерілету алаңын ұсыну. Көрме сонымен қатар қатысушыларға жаңа көзқарастар беретін жаңа трендтер мен көреген идеяларды талқылайтын семинарларды қамтиды. ITF Гала кеші 9 қазан күні кешке өтеді, онда қатысушылар мен шақырылған сатып алушылар көңіл көтеруге және желілік кездесуге мүмкіндік алады. Көрме сондай-ақ қонақүйлер мен агенттіктер арасындағы ерте брондау және келісімшарттар жасау үшін маңызды…

Алматы әкімі Ерболат Досаев Парижде өткен Олимпиада ойындарына қатысқан алматылық спортшылармен кездесіп, бағалы сыйлықтар табьстады, деп хабарлайды SteppeNews агенттігі. Шаһар басшысы спортшылар мен жаттықтырушыларды Олимпиаданың күміс жүлдегері – гимнаст Нариман Құрбановты, қола жүлдегерлер — дзюдошы Ғұсман Қырғызбаевты, боксшы Назым Қызайбайды және оқ атудан сайысқа түскен мергендер Александра Ле мен Ислам Сәтбаевты жетістіктерімен құттықтады. «Ұлттық құрама сапында өнер көрсеткен алматылық спортшылардың Қазақстан қоржынына көп медаль салғаны қуантады. Таланттарыңыздың, табандылығыңыздың және еңбекқорлығыңыздың арқасында сіздер маңызды да тарихи жеңіске қол жеткізіп, халықтың ыстық ықыласына ие болдыңыздар, әлемдік спорттың дамуына үлес қостыңыздар. Сіздер сүйікті ісіңіз бен туып-өскен еліңізге деген сүйіспеншілігіңіздің жарқын үлгісісіздер», -…

Петропавл қалалық соты Солтүстік Қазақстан облысы бойынша Қылмыстық-атқару жүйесі департаментінің (ҚАЖД) басшысы Әділет Мұстафиновқа үкім шығарды.  Айыпталушы делдал арқылы СҚО Қылмыстық-атқару жүйесі мекемелеріне ұн жеткізу қызметтерінде мемлекеттік сатып алу шартын жасасуға жәрдемдескені үшін кәсіпкерден 1 млн теңге мөлшерінде пара алу бойынша кінәлі деп танылды. «Сот үкімімен Әділет Мұстафинов мемлекеттік қызметте және квазимемлекеттік сектор субъектілерінде лауазымды қызмет атқару құқығынан өмір бойына айырылып, 30 млн теңге айыппұл салынды. Сондай-ақ пара берушіге 20 млн теңге, ал делдалға 10 млн теңге айыппұл салынды», — деп жазылған Антикор таратқан хабарламада. Үкім заңды күшіне енген жоқ.

Amanat партиясы Ақсу аудандық филиалының басшысы Жақыпов Серікқан жыныстық сипаттағы зорлық-зомбылық жасады деген күдікке ілінді.  Бұл туралы SteppeNews ақпарат порталы Ақсу аудандық полиция бөліміне сілтеме жасап хабарлайды. Мәлімет бойынша, сараптама 7 жасар балаға күш қолдану фактісін растады. Баланың анасы Ақсу аудандық ішкі істер бөліміне арыз жазған. Ақсу аудандық полиция бөлімінің мәліметінше, кәмелетке толмаған тұлғаға қатысты жыныстық сипаттағы зорлық фактісі бойынша сотқа дейінгі тергеу басталды. — Күдікті ұсталып, уақытша ұстау изоляторына қамалды. Қажет сот-медициналық сараптамалар тағайындалып, тергеу шаралары жүргізіліп жатыр. Тергеу шеңберіндегі басқа деректер Қылмыстық іс жүргізу кодексінің 201-бабына сай жарияланбайды, – делінген хабарламада. Amanat партиясының Жетісу облыстық филиалы Жақыповтың енді партияда жұмыс істемейтінін…

Жоғарғы соттың қылмыстық істер жөніндегі сот алқасы В.Фанинге қатысты қылмыстық істі оның адвокатының өтініші бойынша қарады.  Сот үкімімен Фанин абайсызда жәбірленушінің денсаулығына ауыр зиян келтіріп, оны өлтіргені үшін кінәлі деп танылды. Оған 8 жыл бас бостандығынан айыру жазасы тағайындалған болатын. Кассациялық алқа істі зерттеп, Фаниннің іс-әрекетінде қажетті қорғану шегінен шығу бар деген қорытындыға келді. Сотта анықталғандай, жанжалға жәбірленушінің өзі себепкер болған. Жәбірленуші Фанинді қорлап, оны қорқытқан. Фанин қашпақ ниетпен жанжал болған күрке-вагоннан көшеге шыққан. Алайда жәбірленуші оның соңына түскен. Фанин қашпақ болған уақытта оның оң жамбасындағы протез орнынан шығып кетіп, салдарынан ол жерге құлаған. Осы кезде сотталушы өз өміріне қауіптеніп,…

Елімізде діни киімдер кию тәртібі алдағы күзде Парламент қабырғасында қаралады. Бұл туралы жақында  Мәжіліс депутаты  Ермұрат Бапи хабарлаған. Депутат деструктивті және дәстүрлі дінге жатпайтын діни ағымдар мәселесін реттейтін заңдарға өзгерістер керек деп санайтынын жеткізді. Депутаттың сөзінше, заң жобасында діни киімдер мәселесі да көтеріледі. «Қазір біз үшін ең маңызды нәрсе — еліміздің ұлттық мүддесін, ұлттық дәстүрін, ұлттық мәдениетін сақтау. Ал қазіргі жағдайға қарасақ, қоғамда қара киінген қазақтар көбейді. Бұл жағдай болашақ ұлттық мүддемізге елеулі зиянын келтіреді», — деді ол. Ермұрат Бапи заң қабылданғаннан кейін қоғамдағы діни киімдер мәселесі шешімін табады деп үміттенеді. «Заң жобасында мектепке діни киіммен келу мәселесі де қаралады.…

Түркістан облысындағы зауыт жылына 10 мың тонна құбыр шығарады. Зауыт аулдық жердегі 35 адамды жұмыспен қамтып отыр, деп хабарлайды SteppeNews ақпараттық агенттігінің тілшісі. Зауыт жұмысы қызу жүріп жатыр. Себебі өңірде қазір газдандыру, ауыз сумен қамту бірінші кезекте тұр. Ал оған пайдаланылатын құбырлар дәл осы Сайрам ауданынан шығады. Түркістан облысы Сайрам ауданында полиэтилен және поливинилхлорид құбырларын шығаратын зауыттың жұмысымен бұқаралық ақпарат құралдарының өкілдері танысып қайтты. Кәсіпорын өнімдеріне соңғы кездері сұраныс та артқан. Себебі, су, газ жүйелері мен дренаждық ұңғымаларды ауыстыру ісі өңірде қарқын алған. Әрі ауыл-аймақты газдандыру белсенді жүріп жатыр. Мемлекеттік бағдарлама негізінде іске қосылған «Оңтүстік Қазақстан полиэтилен құбырлары» зауыты бастапқыда…

Астанада алғаш рет 21 жасқа дейінгі есту қабілеті зақымданған спортшылар арасында сурдо футзалдан әлем чемпионаты өтеді. Турнирге Қазақстан, Бразилия, Украина, Оман, Иран, Азербайджан, Таджикистан, Таиланд, Сауд Арабия және Өзбекстан командалары қатысып, бақ сынайды. Байрақты бәсекенің ашылуы салтанаты мен ұлттық құраманың алғашқы ойыны 1-ші маусымда елордалық «Жекпе-жек сарайында» өтеді. Чемпионат 10-шы маусымға дейін жалғасады. Сурдо футзалдан әлем чемпионаты – елімізде есту қабілеті зақымданған тұлғалар арасында спорттың дамуына ықпал етіп қана қоймай, қатысушы елдер арасындағы мәдени және достықты қарым қатынасты нығайтады. Барлық спорт жанкүйерлерін және БАҚ өкілдерін ұлттық құраманы бірге қолдауға шақырамыз.

Абай атындағы ҚазҰПУ Басқарма төрағасы-ректор Болат Тілеп Қазақстанның мемлекет және қоғам қайраткері, Астана мемлекеттік қызмет хабы басқарушы комитетінің төрағасы, Республикалық Тоғызқұмалақ федерация президенті Әлихан Байменовпен кездесті, деп хабарлайды SteppeNews ақпараттық агенттігі. Кездесуге Республикалық Тоғызқұмалақ федерациясының вице-президенті Әкім Тұрсұн, Жетісу облыстық Тоғызқұмалақ федерациясының президенті Ришат Асқарбекұлы қатысты. Кездесу барысында Абай университеті мен Қазақстан Республикасының Тоғызқұмалақ федерациясы арасында ынтымақтастық туралы меморандумға қол қойылды. Мақсаты — ұлттық дәстүрлерді дамытуға және насихаттауға бағытталған бірлескен іс-шараларды жүзеге асыру, осы ұлттық ойынның елімізде тиімді дамуын ынталандыру, сондай-ақ бірлескен бұқаралық спорт және мәдени бағдарламаларды мен жобаларды ұйымдастыру. Бұл ынтымақтастықтың маңызды аспектісі — ғылыми-зерттеу бағыттарын жетілдіру, жастар арасында…