26 қазан күні Қазақстанның бірқатар аймағында жаңбыр жауып, жел күшейеді, «Қазгидромет» мәліметіне сілтеме жасап. Қай өңірлерде жауын-шашын болады? Солтүстік, шығыс, оңтүстіктің таулы аймақтарында, орталық өңірлерде жаңбыр жауады. Түнде және таңертең тұман болады. Орталықта көктайғақ, оңтүстікте найзағай ойнайды. Оңтүстік және шығыста жел күшейеді. Ал батыс пен солтүстік-батыста ауа райы жауын-шашынсыз өтпек. Өрт қаупі жоғары аймақтар Синоптиктердің хабарлауынша, бірқатар өңірде өрт қаупі жоғары деңгейде сақталады: Маңғыстау облысы Ұлытау облысы Атырау облысы (солтүстік-шығыс, оңтүстік-шығыс) Ақтөбе облысы (оңтүстік, шығыс) Жамбыл облысы (орталық, солтүстік) Қызылорда облысы (солтүстік, орталық) Алматы, Қарағанды, Қостанай, Ақмола, Абай облыстарының кей аймақтары. Сонымен қатар Қызылорда, Түркістан, Атырау, Ақтөбе, Алматы, Қостанай, Ұлытау…
Автор: qaztimes
Республика күніне орай еліміз бойынша 196 өнеркәсіптік және әлеуметтік маңызы бар жаңа нысан пайдалануға берілді. Жобалардың жүзеге асырылуы — мемлекет басшысының өңірлерді дамытуға және халықтың өмір сапасын арттыруға бағытталған тапсырмалары аясында жүргізіліп жатыр, деп хабарлайды Үкіметтің баспасөз қызметіне сілтеме жасап. Екібастұзда «AZFERROLIMITED» ЖШС жаңа ферроқорытпа зауыты іске қосылды. Кәсіпорын жылына 60 мың тоннаға дейін өнім өндіре алады. Зауыт экологиялық және технологиялық қауіпсіздік бойынша халықаралық стандарттарға сай келетін екі заманауи электр пешімен жабдықталған. Жаңаөзенде мұнай-газ саласына арналған өнім шығаратын «Каскор-Машзавод» ЖШС зауыты жұмысын бастады. Кәсіпорын жылына 540 мың сорап штангасын және 51 мың тонна сорап-компрессорлық құбырлар өндіруге қауқарлы. Толық қуатына шыққанда…
Қостанай қаласында апат салдарынан бірқатар көпқабатты тұрғын үй электр қуатынсыз қалды. Апат қай жерде болды? Қала әкімдігінің мәліметінше, «Юбилейный» шағынауданында электр қуаты таңғы 08:40-та апатты жағдайда өшірілген. Электр жарығы келесі нысандарда жоқ: №35, 38, 40, 41 көпқабатты тұрғын үйлер Бірнеше мемлекеттік мекеме Коммерциялық нысандар. Қалпына келтіру жұмыстары жүріп жатыр Төтенше жағдайлар қызметі апат орнына жедел барып, жөндеу-қалпына келтіру жұмыстарын бастады. Мамандар «Электр қуатын мүмкіндігінше тезірек қосамыз» деп мәлімдеді. Қала тұрғындарынан сабыр сақтап, уақытша қолайсыздықтарға түсіністік таныту сұралды.
Қазақстан құрамасының жас спортшысы Амелина Бакиева ММА бойынша 2025 жылғы Жасөспірімдер Азия ойындарында алтын медаль алды. Финалда мерзімінен бұрын жеңді 50 келіге дейінгі салмақта өнер көрсеткен Бакиева Үндістан спортшысы Шрия Сатамды мерзімінен бұрын жеңіп, жарыстың үздігі атанды. «Бұл жеңіс Қазақстан жастар құрамасы үшін үлкен мәртебе. Алтын медаль ел намысының биік деңгейде қорғалғанын көрсетеді», – деп жазады Ұлттық Олимпиада комитеті. Қазақстан құрамасы үшін маңызды нәтиже ММА — жастар арасында танымал жекпе-жек спорты. Қазақстандықтар соңғы жылдары халықаралық аренада тұрақты табыс көрсетіп келеді. Ал Бакиева — ел құрамасының жаңа жұлдыздарының бірі.
Ертістің сол жағалауындағы қоғамдық кеңістікте Республика күніне арналған салтанатты жиын өтті, Абай облысы әкімдігінің баспасөз қызметіне сілтеме жасап. Мерекелік шараға Абай облысы әкімінің орынбасары Мейірлан Раханов, мемлекеттік органдардың өкілдері, қоғам белсенділері, жастар және қоғамдық пікір көшбасшылары қатысты. Іс-шара барысында еліміздің тәуелсіздігі мен бірлігін айшықтайтын Мемлекеттік Ту салтанатты түрде көтерілу рәсімі өтті. Бұл — Қазақстанның бай тарихын, оның жетістіктері мен жарқын болашағын еске салатын маңызды әрі рухани мәні зор сәт болды. Көлемі 3х6 метрлік ту Семей қаласының ең биік нүктесіне — биіктігі 90 метр болатын аспалы көпірге орнатылды. Бұл шара облыс тұрғындарының береке-бірлігін, ортақ күш-жігер мен елжандылықты паш етіп, азаматтардың өз…
Мемлекет басшысы ҰҚК төрағасы Ермек Сағымбаевты қабылдады. Президентке ведомствоның жыл басынан бері атқарған жұмысының негізгі нәтижелері мен алдағы кезеңге арналған міндеттері жөнінде есеп берілді. Ермек Сағымбаевтың айтуынша, ұлттық қауіпсіздік органдары экстремизм мен терроризмге қатысы бар 67 адамды ұстаған. Радикалдық ағымды ұстанатын 83 адам сотталды. Ішкі істер министрлігімен бірлесе қабылданған шаралар нәтижесінде 17 қылмыстық топ құрықталып, олардың 244 мүшесі ұсталды. 96 адам қамауға алынды. Заңсыз айналымнан 453 қару, 64 граната, алты мыңға жуық оқ-дәрі тәркіленді. 16 есірткі зертханасы, 25 халықаралық және 19 өңірлік есірткі тасымалдау арнасы жойылды. Жиырма мың тоннаға жуық есірткі заттары, соның ішінде 13 тонна колумбиялық кокаин мен 10…
Мемлекет басшысының өкімімен Марат Ғатаұллаұлы Ирменов Қазақстан Республикасы Ұлттық қауіпсіздік комитеті төрағасының орынбасары лауазымына тағайындалды, Ақорданың баспасөз қызметіне сілтеме жасап. Сондай-ақ мемлекет басшысының өкімімен Қанатай Жорабекұлы Далматов Қазақстан Республикасы Ұлттық қауіпсіздік комитеті төрағасының орынбасары лауазымынан босатылды. Айта кетсек, бұған дейін мемлекет басшысы Ұлттық қауіпсіздік комитетінің төрағасы Ермек Сағымбаевты қабылдады. Президентке ведомствоның жыл басынан бері атқарған жұмысының негізгі нәтижелері мен алдағы кезеңге арналған міндеттері жөнінде есеп берілді.
Ақорда резиденциясының алдындағы алаңда Қасым-Жомарт Тоқаевтың қатысуымен Республика күніне және Қазақстанның Егемендік туралы декларациясының қабылданғанына 35 жыл толуына орай Мемлекеттік ту көтеру рәсімі өтті, Ақорданың аспасөз қызметіне сілтеме жасап. Құрмет қарауылының бастығы президентке рапорт берді. Содан кейін еліміздің Мемлекеттік туы көтеріліп, әнұраны орындалды. Мемлекеттік ту көтеру рәсімі барлық өңірде жалғасады.
Қазақстанның үздік теннисшісі Елена Рыбакина Токио қаласында өтіп жатқан WTA-500 санатындағы турнирдің жартылай финалына шығуға тиіс еді. Алайда спортшы арқа жарақатына байланысты матчқа қатыспайтынын мәлімдеді, деп хабарлайды Sports.kz-ке сілтеме жасап. Арқа жарақаты кедергі болды WTA ресми сайты таратқан ақпаратқа сәйкес, Елена соңғы күндері өзін жайсыз сезінген. «Өте өкінішті. Осы аптада арқам қатты мазалаған соң, 100% ойнай алмаймын. Жанкүйерлердің алдында өнер көрсете алмағаныма қынжыламын. Бірақ келесі жылы Токиоға қайта оралғым келеді», – деді Рыбакина. Ол жартылай финалда әлемдік рейтингте 17-орындағы чех спортшысы Линда Носковамен кездесуі тиіс болатын. Бұл — маусымдағы алғашқы үзіліс емес Рыбакина маусым бойы бірнеше жарақатпен ойнап жүр. Жапония…
25–27 қазан күндері Алматы, Шығыс Қазақстан және Жетісу облыстарының автожолдарында ауа райының қолайсыздығы күтіледі, «ҚазАвтоЖол» компаниясының хабарламасына сілтеме жасап. Синоптиктер болжамына сәйкес, аталған өңірлерде: жаңбыр соңы қарға ұласып, жолдарда тайғақ пен көктайғақ болуы мүмкін. Жүргізушілерге кеңес Метеорологтар мен жол қызметтері жүргізушілерге: жылдамдықты төмендетуді, қашықтықты сақтауды, көлік дөңгелектерін маусымға сай жабдықтауды, ауа райы болжамын үнемі қадағалап отыруды ұсынады. «Қауіпті метеожағдай жолда басқаруды қиындатады. Сондықтан сақтық шараларын сақтаған жөн» — делінген «ҚазАвтоЖол» хабарламасында.