SteppeNews.kz: 14 мамырда Қытай астанасында екі ел басшыларының қатысуымен ҚХР мен АҚШ арасындағы ресми келіссөздер басталды, деп хабарлайды SteppeNews.kz «Новости ЭКД» сілтеме жасап.
ҚХР Төрағасы Си Цзиньпин АҚШ Президенті Дональд Трампты Бейжіңдегі Халық құрылтайы ғимаратының Шығыс қақпасында жеке өзі қарсы алды.
Ресми рәсім басталмас бұрын мемлекет басшылары қол алысып, сәлемдесті. Америкалық лидердің құрметіне 21 зеңбіректен от шашылып, салтанатты салют берілді. Осыдан кейін Дональд Трамп құрмет қарауылын аралап көріп, әскери оркестрдің өнерін тамашалады және әскери қызметшілердің шеруін қабылдады.
АҚШ Президенті Бейжіңге бір күн бұрын келген болатын. Бұл – америкалық лидердің 2017 жылдан бергі Қытайға жасаған алғашқы сапары.
БАҚ мәліметтеріне сүйенсек, келіссөздер барысында тараптар Иран төңірегіндегі жағдайды, екі ел арасындағы сауда-экономикалық қайшылықтарды, технологиялық бәсекелестікті және Тайвань мәселесін талқылауды жоспарлап отыр.
