Моңғолия астанасы Ұлан-Батырда ежелгі қытай ақыны әрі әдебиетші Су Дунпо туралы кітаптың моңғол тіліндегі кирилл қарпіндегі басылымының тұсаукесері өтті деп хабарлайды SteppeNews.kz asiarussia.ru сайтына сілтеме жасап.
Белгілі моңғол қытайтанушыларымен бірлесіп аударылған кітап моңғол оқырмандарына Қытайдың көрнекті әдебиет өкілдерінің бірі Су Дунпоның шығармашылығы мен өмірлік ұстанымдарын таныстырады.
Кітаптың атауын қазақшаға «Су Дунпомен жастайынан танысу» деп аударуға болады. Басылымда ақынның оқиғаларға толы өмірі, жаңалыққа ашық көзқарасы, ғасырлар бойы сақталған өлеңдері және оптимистік әрі болашаққа бағытталған өмір философиясы баяндалады.
Тұсаукесерге Қытай мен Моңғолияның мәдениет, баспа және білім беру салаларының өкілдері қатысты. Кездесуде классикалық мәдениетті ұлттық шекарадан тыс танытудың маңызы сөз болды.
Соңғы жылдары Қытай мен Моңғолия мәдени байланыстарды дамытуға бағытталған бірқатар іс-шара ұйымдастырып келеді. Олардың қатарында кітаптарды аудару және насихаттау, жаңа басылымдардың тұсаукесері мен бірлескен кітап оқу кездесулері бар.
Іс-шараға қатысушылардың пікірінше, Қытай мен Моңғолия арасындағы мәдени байланыстардың нығаюы жағдайында классикалық шығармаларды аудару және тарату екі ел халқы арасындағы мәдени байланысты дамытуға ықпал ететін ұзақ мерзімді құралдардың бірі саналады.
Келесі материал: Changan CS35 MAX: қозғалтқышы мен цифрлық жабдықтары