STEPPENEWS.KZ: Қазақстан жазғы Олимпиада ойындарында жоғары нәтижеге қол жеткізіп, жүлде саны бойынша тарихи көрсеткішке жетті. Ел спортшылары жалпы 32 медаль жеңіп алып, ұлттық құрама үшін бұрын-соңды болмаған рекорд орнатты.
2025 жылғы әлем чемпионаттарының қорытындысы бойынша Азия елдері арасында жалпыкомандалық есепте Қытай құрамасы айқын көш бастады. Қытай спортшылары 42 алтынды қоса алғанда 120 медаль жеңіп алса, Жапония 22 алтынмен жалпы 67 жүлдемен екінші орынға шықты. Оңтүстік Корея 14 алтын, 46 медальмен үздік үштікті түйіндеді. Ал, Қазақстан болса Азия құрлығында төртінші орынға табан тіреді. Ел спортшылары 11 әлем чемпионатында 32 жүлде, оның ішінде 14 алтын медаль иеленіп, құрлықтағы жетекші спорт державаларының бірі екенін тағы бір мәрте дәлелдеді.
Әлем чемпионаттарында үздік нәтиже көрсеткен спортшылар қатарында бокстан Алуа Балқыбекова, Аида Әбікеева, Наталья Богданова, Санжар Тәшкенбай, Махмұд Сабырхан, Төрехан Сабырхан, Айбек Оралбай, грек-рим күресінен Айдос Сұлтанғали, дзюдодан Әбиба Әбужақынова, семсерлесуден ерлер құрамасы (Эльмир Әлімжанов, Руслан Құрбанов, Кирилл Проходов және Вадим Шарлаимов), садақ атудан әйелдер құрамасы (Виктория Лян, Адель Жексенбинова және Роксана Юнусова), сондай-ақ таеквондодан Айдана Құмартаева мен Нодира Ахмедова бар.
Айта кету керек, қазақстандық спортшылар бұл 32 жүлдені жазғы олимпиадалық бағдарламаға енген 8 спорт түрі бойынша жеңіп алды. Осы нәтижелерді ескере отырып, 2026 жылы Жапонияда өтетін жазғы Азия ойындарында да жоғары жетістіктерге қол жеткізуге мүмкіндік бар деуге болады. Себебі Азия ойындары – Олимпиададан кейінгі ең маңызды кешенді спорттық жарыс әрі елдің халықаралық спорттағы беделін айқындайтын басты көрсеткіштердің бірі.
Бұл жетістік қазақстандық спорттың дамуы мен халықаралық аренадағы бәсекеге қабілеттілігінің айқын көрінісі болды.
