Португалиялық шабуылшы Криштиану Роналду Сауд Арабиясының «Әл-Насср» клубынан кетіп, Еуропаға оралуы мүмкін, деп хабарлайды Sports.kz сайтына сілтеме жасап.
Әл-Насср жақында ғана 40 жастағы португалиялық шабуылшымен 2027 жылға дейін жаңа келісімшартқа қол қойды, оның жылдық жалақысы 200 миллион еуродан асады.
Elnacional.cat сайтының хабарлауынша, Криштиану лиссабондық «Спортингке» оралу үшін осындай үлкен сомадан бас тартуы мүмкін. Роналду өзінің карьерасын туған жерінде аяқтағысы келетіні біраздан бері айтылып жүр. «Спортинг» Криштианудың кәсіби карьерасындағы алғашқы клубы болды.
Футболшыға жақын дереккөздер ол қайтадан жасыл-ақ жейдені киіп қана қоймай, сонымен қатар Netflix қатысатын ірі спорттық медиа жобаны басқарғысы келетінін айтады.
Егер Криштиану Роналду «Спортингке» ауысса, шабуылшы португал футболы тарихындағы ең жоғары жалақыны алады, сондай-ақ тарихтағы ең ықпалды футболшылардың бірі рекорд пен жүлдеге толы карьерасын шынымен де әдемі аяқтамақ.