Автор: qaztimes

Қаржы министрлігі Қазақстан Үкіметінің сыртқы борышы туралы соңғы мәліметтерді жариялады. Министрліктің мәліметіне сүйенсек, Үкіметтің сыртқы борышы 1 қазандағы жағдай бойынша 7 трлн 217 млрд 26 млн 519 мың теңге болған. Оның ішінде ең көп қарыз Халықаралық қайта құру және даму банкі (1,5 трлн теңге) мен еурооблигациялардан (4 трлн теңге) тартылған. Еуропа қайта құру және даму банкіОрталық және Шығыс Еуропа елдерінің ұзақ мерзімді несиелендіру жөніндегі аймақтық мемлекетаралық банкі болып есептеледі. Штаб-пәтері Лондонда орналасқан бұл ұйымға 50-ге жуық ел мүше. Оның ішінде ТМД елдері де бар. Ислам даму банкіне 52 мемлекет мүше. Олардың арасында Әзербайжан, Қазақстан, Қырғыз Республикасы, Тәжікстан, Түрікменстан да бар. Азия…

Елордада бір мезетте үш мыңнан аса домбырашы «Балбырауын» күйін орындап, өнер әлеміндегі бұл ерекше жарқын оқиға Қазақстанның Гиннес рекордтарын тіркеу кітабына енді, деп жазды Астана әкімдігі. «Qazaqstan» жеңіл атлетикалық спорт кешенінде «Нағыз қазақ қазақ емес, нағыз қазақ – домбыра» атты ауқымды іс-шарада үш мыңнан астам астаналық домбыра үйірмелеріне қатысушылар Құрманғазы Сағырбайұлының шоқтығы биік «Балбырауын» күйін бір мезгілде күмбірлетті. «Қазақстанда мемлекеттік шығармашылық тапсырыс жобасы 2021 жылдан бастап іске асырылып жатыр. Оның мақсаты – 4 пен 17 жас аралығындағы балалар мен жасөспірімдерді тегін үйірмелермен қамту, олардың бос уақытын тиімді өткізіп, өнерге деген қызығушылығын арттыру. Міне, бүгін Астана қаласында осындай домбыра үйірмесіне қатысатын…

Израиль әскери-әуе күштерінің жойғыштары Ливанның солтүстік-шығыс бөлігіндегі қалалар мен елді мекендерге қарқынды рейдтер жүргізді, деп хабарлайды ТАСС агенттігі. Lebanon 24 ақпарат порталының хабарлауынша, Баалбек пен Хермел маңындағы 20 елді мекенге, соның ішінде Бритель, Дурис, Сарин және Шимстар қалаларына әуе шабуылы жасалған. Зардап шеккендер туралы ақпарат бар: Будай ауылының алты адамнан тұратын отбасы қаза тапқан. Бұған дейін Израиль Ливанның оңтүстігіне шабуыл жасаған болатын. Ливан Денсаулық сақтау министрлігінің мәліметі бойынша, соңғы тәулікте әуе шабуылдары салдарынан 38 азамат қаза тауып, тағы 124 адам жараланған. Еске салайық, Қатарда кепілге алынғандарды айырбастау және Газа секторында бітімге келу туралы келіссөздердің қайта жандануы аясында Қатардағы Хамас саяси…

Батыс Қазақстан облысы кәмелетке толмағандар ісі жөніндегі мамандандырылған ауданаралық сотының үкімімен Бәйтерек ауданының тұрғыны кінәлі деп танылып, оған 1 жылға бас бостандығынан шектеу жазасы тағайындалды. Бәйтерек ауданы прокуратурасының ұстанымы ескеріліп, ҚР Қылмыстық кодексінің 139-бабымен (балаларын күтіп-бағуға арналған қаражатты төлеу жөніндегі міндеттерді орындамау, еңбекке қабілетсіз ата-аналарын, еңбекке қабілетсіз жұбайын (зайыбын) күтіп-бағуға арналған қаражатты төлеуден жалтару) көзделген қылмыс жасағаны үшін сотталушының кінәсі толық дәлелденді. БҚО прокуратурасынан мәлім еткеніндей, 2021 жылдан бастап борышкердің алимент төлеу бойынша баласына 2 млн 787,838 мың теңге көлемінде берешегі бар. Бұрын әкімшілік жауапкершілікке тартылғанымен, бірнеше жыл бойы өз міндеттерін қасақана орындамаған. Үкім заңды күшіне енді.

Түркия жаңартылатын энергия көздеріне инвестиция салуды күшейту үшін «супер рұқсат ету» механизмін енгізуді көздеп отыр. Түркияда электр энергиясын қайта өндірудегі жаңа қадам жаңартылатын энергия объектілерін, соның ішінде күн және жел электр станцияларын салуға қажетті рұқсаттарды бекіту және беру процесін жеделдетуге мүмкіндік бермек. «Супер рұқсат беру» жүйесі елдің энергетикалық тәуелсіздікке қол жеткізуі жолындағы стратегияның бір бөлігі. Бюрократиялық процедураларды азайту түрік үкіметінің тұрақты энергия көздеріне көшу қарқынын жеделдете отырып, жаңа инвестиция тарту мүмкіндігін арттырады. Түркияның Энергетика және табиғи ресурстар министрі Алпарслан Байрактардың айтуынша, «Супер рұқсат беру» жүйесін құру елдің Париж келісімі бойынша міндеттемелерін орындауға және парниктік газдар шығарындыларын азайтуға жол ашады. Күн…

Шымкентте мемлекет қаражатын жымқырғаны үшін көпбалалы ана сотталды. Ол балабақша есепшісі қызметін атқарып жүріп, коммуналдық төлемдерге артық ақша бөліп отырған. Бұл туралы жергілікті Оtyrar.kz сайты жазды. Осылайша бес баланың анасы өз шотына 15 млн теңгеден астам қаржыны аударып, мемлекетке аса ірі мөлшерде залал келтірілген. Оның кінәсі сотта дәлелденіп, 2 жылға бас бостандығынан айырылды. «Сотталушыға ҚК-нің 189-бабы 4-бөлігінің 2-тармағы, мемлекеттік функцияларды орындауға уәкілеттік берілген адамға теңестірілген адам бола тұра, өзінің қызмет бабын пайдаланумен ұштастыра отырып өзіне сеніп тапсырылған бөтеннің мүлкін аса ірі мөлшерде иеленіп алу бабы бойынша айып тағылған. Сотталушының тағылған айып бойынша кінәсі іс бойынша жинақталған құжаттармен дәлелденеді», — деп жазды…

Лондонның ICE (InterContinental Exchange Futures) биржасында Brent маркалы мұнайдың бір баррелінің бағасы Астана уақытымен 08:20-де 4,43 пайызға арзандап 72,68 доллар болды. Ал WTI маркалы мұнайының бағасы барреліне 4,54 долларға арзандап, 68,52 долларды құрады. Сарапшылар мұнай бағасынының бұлай өзгеруін Таяу Шығыстағы тұрақсыздықтармен байланыстырады. Goldman Sachs сарапшылары Иранның мұнай өндірісінің 90%-ға дейін үлесін құрайтын Харг аралының осы аптада Тегеранның зымыран шабуылына жауап ретінде Израиль соққысының нысанасына айналуы ықтимал екенін атап өтті. Бұл жағдайда Иранда мұнай өндіру тәулігіне 1 миллион баррельге азайып, ол ұзақ уақытқа жалғасуы мүмкін.

Қытайдың оңтүстігіндегі Гуанчжоу қаласында ұшатын автокөлік зауыты салынып жатыр. Бұл туралы Синьхуа агенттігі хабарлады. Зауытта «Құрлықтағы авиатасымалдағыш» үлгісіндегі ұшатын көлікке арналған модульдер шығаратын болады. Зауыт жылына 10 мыңға дейін көлік шығармақ. Ұшатын модельдің алдын ала сатылымы 2024 жылдың соңында басталады. Айта кетсек, Гуанчжоу – Қытайдың дамып жатқан төмен биіктік экономикасына қосылуға ұмтылған қалаларының бірі. Бейжіңнің іс-қимыл жоспарына сәйкес, 2027 жылға қарай Қытай астанасында экономикасы төмен 5 мың кәсіпорын жұмыс істейді деп болжанып отыр.

Ирак Республикасы БҰҰ Бас хатшысы Антониу Гутерриш пен бүкіләлемдік ұйымның Қауіпсіздік кеңесіне Израильдің Иранға соққы беру үшін Ирактың әуе кеңістігін пайдалануына байланысты наразылығын білдірді, деп хабарлайды ТАСС ақпарат агенттігі. «Ирак 26 қазанда Израильдің Ирак әуе шекараларын өрескел бұзғаны және Иранға соққы беру үшін елдің әуе кеңістігін пайдаланғанына байланысты Бас хатшы мен БҰҰ Қауіпсіздік кеңесіне ресми түрде наразылық нотасын жіберді», — делінген Ирак министрлер кабинетінің басшысы Мұхаммед ас-Судани кеңсесі Telegram арнасында жарияланған құжатта. Премьер сондай-ақ Сыртқы істер министрлігіне «Ирак егемендігінің бұзылуын талқылау үшін АҚШ-пен байланысуды» тапсырды. Ирак үкіметі «елдің әуе кеңістігін басқа мемлекеттерге, әсіресе сыйластық қарым-қатынаста отырған көршілес мемлекеттерге шабуыл жасау…

Алматы облысында адам өлтіруге оқталған күдікті ұсталды. Бұл туралы мәлімет бұқаралық ақпарат құралдарының бірінде пайда болды.  Баспа мәліметінше, жағдай 27 қазан күні Қонаев қаласына жақын жердегі Іле өзенінің маңында болған. Малшы мас күйінде жолдастарына аңшы мылтығынан оқ атқан. 63 жастағы ер адам дене жарақатымен жергілікті ауруханаға жеткізілді. Тағы екеуіне медициналық көмек көрсетілді. Алматы облысының полиция департаменті күдіктінің ұсталғанын мәлімдеді. «Адам өлтіруге оқталу дерегі бойынша қылмыстық іс қозғалды, полиция қызметкерлері жедел іздестіру шараларын жүргізу барысында 39 жастағы күдіктіні анықтап, ұстады және уақытша ұстау изоляторына қамады», — деп хабарлады департаменттің баспасөз қызметі. Тергеу барысы облыстық полиция департаменті басшылығының бақылауына алынды.