Қараша айында Алматы метрополитенінің орташа тәуліктік жолаушылар ағыны 130 мың адамға жетті. Бұл тамыз айымен салыстырғанда 73%-ға артық. Бұл туралы метро әкімшілігі хабарлады, деп жазады SteppeNews.kz
Мамандардың дерегінше, жолаушылар санының айтарлықтай өсуі қыркүйек айынан басталған және бұл ең алдымен оқу жылының басталуымен байланысты. Жүктеменің артуына, әсіресе қарбалас уақыттағы кептеліске байланысты әкімшілік пойыздардың қозғалыс кестесін қайта реттеді.
Қазіргі уақытта желіде қолда бар 15 пойыздың 14-і күн сайын қатынайды. Тағы бір пойыз резервте тұр.
Сонымен қатар, метрода инфрақұрылымды жаңғырту жұмыстары жалғасуда. Атап айтқанда, жол ақысын төлеу жүйесі мен турникеттер жаңартылып жатыр. Бүгінгі таңда турникеттердің 60%-ында жұмыстар аяқталды.
Осы жылдың желтоқсан айында метрополитенге жаңа вагондар жеткізіледі деп күтілуде. Тағы бір легін 2027 жылы пайдалануға беру жоспарланып отыр.
Осылайша, жолаушылар ағынының артуы жылжымалы құрамды жаңартумен және жолаушыларға қызмет көрсету жүйелерін жаңғыртумен қатар жүруде.
Келесі материал: ҚМДБ ифтар, сухур және өзге діни сөздердің қазақша баламаларын қолдануға шақырды