SteppeNews.kz: Жақында Бейжің қаласында ерекше жарыс өтті: Lightning роботы жартылай марафонды 50:26 уақытта жүгіріп өтті. Бұл адамдар арасындағы әлемдік рекордтан шамамен 7 минутқа жылдам.
Бұл технологиялар спорттан адамды ығыстырып жатыр дегенді білдіре ме? Адам рекордтарының «соңы» туралы айтуға бола ма?
Qazaq Expert Club спорт саласының сарапшысы Евгений Азарьев бұл жағдайды дәлірек түсіндіру қажет деп санайды.
«Маңыздысы – бұл адам мен машинаның бәсекесі емес, жаңа санаттың – технологиялық спорттың пайда болуы. Бұл жүйелердің шектеулері де, мүмкіндіктері де әртүрлі», – дейді сарапшы.
Оның айтуынша, негізгі мәні нәтиженің өзінде емес, технологиялық дамудың жылдамдығында. Егер 2025 жылы роботтар бұл қашықтықты 2 сағат 40 минутта еңсерсе, бір жыл ішінде көрсеткіш үш еседен астам азайды.
«Бұл технологиялардың эксперимент кезеңінен шығып, масштабталатын шешімдер фазасына өткенін білдіреді. Біз бір реттік серпілісті емес, жаңа индустрияның қалыптасуын көріп отырмыз», – деп түсіндіреді Азарьев.
Ол роботтардың артықшылығының табиғатына да назар аударады.
«Адам ағзасы төзімділікпен, дене температурасымен және физиологиямен шектеледі. Ал роботтарда мұндай шектеулер жоқ: салқындату жүйелері мен тұрақты механизмнің арқасында олар адамға мүмкін емес қарқынды ұстап тұра алады,» – дейді сарапшы.
Сонымен қатар оқиғаның ауқымы да маңызды. Жарысқа 100-ден астам робот қатысып, олардың шамамен 40%-ы толық автономды режимде жұмыс істеген.
«Бір жыл бұрын бұл жеке прототиптер ғана болатын. Бүгінде бұл – жаппай технологиялық шешім. Бұл даму деңгейінің мүлде жаңа сатысы», – деп атап өтеді Азарьев.
Оның пікірінше, бұл жағдай жаһандық технологиялық теңгерімнің өзгеруін де көрсетеді.
«Қытай компаниялары демонстрациялық жобаларға емес, жүйелі инженерлік әзірлемелерге басымдық береді. Бұл оларға шешімдерді жылдам масштабтауға және спорт пен технология түйісінде жаңа бағыт қалыптастыруға мүмкіндік береді», – деп қорытындылады ол.
