Солтүстік Қазақстан облысында мектептерге интернет қосу бойынша бөлінген қаржы дұрыс пайдаланылмаған. Прокуратура тексерісі нәтижесінде 75,8 миллион теңге көлеміндегі негізсіз шығынның жолы кесілді.
Айыртау, Ақжар, Есіл, Мамлют, Тайынша, Уәлиханов және тағы екі аудандағы білім бөлімдері интернетке қосу қызметіне 360 миллион теңгеден астам сомаға шарт жасаған. Алайда көрсетілген қызмет техникалық талаптарға сай болмаған. Мысалы, Ақжар ауданында мұғалімдер интернеттің жылдамдығы талапқа сай келмегендіктен, маршрутизаторды өз ақшасына сатып алған.
Тексеру қорытындысымен кінәлі тұлғалар тәртіптік жауапкершілікке тартылып, шарттарға түзету енгізілген.