Жүргізуші куәлігінен айырылған мас адам полицияның тоқтау талабына бағынбай, оқиға орнынан жасырынбақ болып, патрульдік көлікпен соқтығысқан.
Оқиға кезінде ол бірнеше рет жол қозғалысы ережелерін өрескел бұзып, айналасындағылардың өмірі мен денсаулығына қауіп төндірген. Қашып бара жатқан көлік ақыры полиция патрулімен соқтығысып, жүргізуші ұсталып, уақытша ұстау изоляторына қамалды.
Сот оны кінәлі деп танып, 4 жылға бас бостандығынан және өмір бойына көлік басқару құқығынан айырды. Келтірілген материалдық шығын сотталушы тарапынан толық өтелді.
Прокуратура мұндай әрекет үшін 10 жылға дейін бас бостандығынан айыру және өмір бойына жүргізуші куәлігінен айыру жазасы қарастырылғанын ескертеді.