Қазақстан мен Қытай арасындағы тауар айналымы 48,7 млрд. долларға жетті
2025 жылдың қорытындысы осындай рекордтық көрсеткішті көрсетті. Қазақстан Премьер-министрінің орынбасары Қанат Бозымбаев Қытайға жұмыс сапарымен Шэньчжэнь қаласының мэрі Цинь Вэйчжунмен кездесті. Тараптар инновациялық қалаларды дамыту, инвестиция тарту және заманауи технологияларды енгізу мәселелерін талқылады. Кездесуде Қазақстанның жаңа экономикалық өсу орталығы Алатау қаласының дамуы ерекше назарға алынды.
Қос ел арасындағы сауда және инвестиция көлемі
Қытайдың Қазақстан экономикасына салған инвестиция көлемі
2005–2025 жылдар аралығында $29 млрд-тан асты.
Шэньчжэнь тәжірибесі
Шэньчжэнь қаласы бірнеше жыл ішінде инновациялар мен жоғары технологиялар саласында әлемдік көшбасшыға айналды. Мэр Цинь Вэйчжун Қазақстан бастамасын жоғары бағалап, ынтымақтастықты кеңейтуге қызығушылық білдірді.
Ынтымақтастық бағыттары
Қазақстан мен Қытай инновациялық қалаларды дамыту бағытында ынтымақтастықты күшейте бастады. Қанат Бозымбаев Шэньчжэнь компанияларын Alatau City жобаларына қатысуға шақырды. Келіссөздер нәтижесінде тараптар Шэньчжэнь мен Алатау қалалары арасындағы инвестициялық және іскерлік ынтымақтастықты одан әрі дамытуға дайын екендіктерін растады.