Алматыда Қала күні биыл 19-20 қыркүйекте тойланады. Мерекеге орай қыркүйек бойы мәдени, спорттық және ойын-сауық бағытындағы 300-ге жуық іс-шара ұйымдастырылады.
Негізгі мерекелік бағдарлама Астана және Абай алаңдарында, Панфилов пен Жібек жолы жаяу жүргіншілер көшелерінде, «Алатау» дәстүрлі өнер театрының алаңында және қаланың сегіз ауданында өтеді деп хабарлайды SteppeNews.kz хабарлайды Алматы қаласы әкімдігіне сілтеме жасап.
Абай алаңындағы бағдарлама
19-20 қыркүйекте Абай алаңында «Otbasy Fest» мерекелік бағдарламасы өтеді. Мұнда «Алма аймағы», «Шеберлер қалашығы», балалар аймағы, AI & ROBOT ZONE, крафт ойындар алаңы және фуд-корт жұмыс істейді.
19 қыркүйек
- 11:00-12:00 – «Алматы қаласының Құрметті азаматы» атағын табыстау рәсімі;
- 12:00-13:30 – «Сазген сазы» фольклорлы-этнографиялық ансамблінің «Алматым жүрегімде» концерті;
- 13:30-15:00 – Қазақ мемлекеттік циркінің бағдарламасы;
- 15:00-16:00 – «ASU» фольклорлық-этнографиялық ұжымының «Алматы әуені» концерті;
- 16:00-17:50 – «Алатау» дәстүрлі өнер театрының «Ару қала – Алматы» бағдарламасы;
- 18:00-18:30 – DJ бағдарламасы;
- 18:30-19:00 – Ratovich концерті;
- 19:15-21:30 – «Best of NE PROSTO ORCHESTRA» концерті.
20 қыркүйек
- 12:00-13:00 – «Алматы, менің Алматым» концерттік бағдарламасы;
- 13:00-14:00 – «Алатау» дәстүрлі өнер театрының «Ән тербеген Алматы» концерті;
- 14:00-15:00 – DJ бағдарламасы;
- 15:00-17:00 – Мемлекеттік академиялық қуыршақ театрының «Жырлайды Алматы» концерті;
- 17:00-18:00 – А. Әшімов театрының «Алматы – махаббатым» музыкалық спектаклі;
- 18:00-19:00 – DJ бағдарламасы;
- 19:00-19:40 – «D Billions» музыкалық бағдарламасы;
- 19:50-22:00 – «Ән қанатым – Алматы» концерттік бағдарламасы.
Астана алаңында танымал орындаушылар өнер көрсетеді
19 қыркүйекте 11:00-17:00 аралығында мерекелік концерт өтеді. Бағдарламада «Сенім» вокалды хоры, домбырашылар мен жетігеншілер ансамбльдері, «Отырар сазы» оркестрі, Muzart Life және басқа да өнерпаздар өнер көрсетеді.
Ал 18:00-22:00 аралығында «Almaty Vibes» музыкалық фестивалі ұйымдастырылады. Сахнаға Мақпал Жүнісова, Мирас Жүгінісов, KALIFARNIYA, ALPHA, Ерке Есмахан, Сара Амангелді, Айдана Меденова және басқа орындаушылар шығады.
20 қыркүйекте 18:00-22:30 аралығында «Almaty Zhuldyzy» музыкалық фестивалі өтеді. Бағдарламада Kesh You, Дос-Мұқасан, Роза Рымбаева, Ялла тобы және басқа өнерпаздар бар. Кештің хэдлайнері – DJ IMANBEK.
Панфилов көшесінде – Alma Qala Fest
19-20 қыркүйекте Панфилов көшесінде балалар, этно, эко, кино, Digital және спорт аймақтары, сондай-ақ Food Court жұмыс істейді.
Мұнда дәстүрлі «Alma Qala Fest» фестивалі де өтеді. Фестиваль барысында Алматының символдарының бірі – апорт алмасы 200 тоннадан астам көлемде сатылымға шығарылады.
Екі күнде де Т. Жүргенов атындағы академия алаңында 11:00-18:00 аралығында концерттік бағдарламалар ұйымдастырылады. Бағдарламаға Али Окапов, Мади Рымбаев, Дана Максимова, Карим Мутурганов және басқа өнерпаздар қатысады.
Жібек жолында Kitap Fest өтеді
Жібек жолы жаяу жүргіншілер көшесінде 19 және 20 қыркүйекте 12:00-18:00 аралығында мерекелік концерттер өтеді.
Сонымен қатар, мұнда дәстүрлі «Kitap Fest» кітап фестивалі ұйымдастырылады. Оған 50-ден астам баспа үйі мен кітап дүкені қатысып, өз өнімдерін таныстырады.
«Алатау» театры алаңындағы концерттер
«Алатау» дәстүрлі өнер театрының алаңында да мерекелік бағдарламалар өтеді.
12 қыркүйекте сағат 18:00-19:30 аралығында «Ән Алматы» концерті ұйымдастырылады.
19 қыркүйекте сағат 19:00-де «Ән мен күйдің бесігі» атты концерт өтеді. Бағдарламаға Рамазан Стамғазиев, Сәуле Жанпейісова, Айгүл Үлкенбаева, Еркін Шүкіманов, Арман Жүдебаев және басқа өнерпаздар, сондай-ақ Құрманғазы атындағы Қазақ ұлттық халық аспаптар оркестрі қатысады.
20 қыркүйекте сағат 19:00-20:30 аралығында «Алматыға махаббатпен» концерттік бағдарламасы ұсынылады.
Алматының аудандарында қандай шаралар өтеді?
Қала күніне арналған бағдарламалар Алматының сегіз ауданын да қамтиды.
Алатау ауданы:
20 қыркүйекте 17:00-19:00 аралығында «Алатау» театры алдындағы алаңда мерекелік концерт өтеді.
Алмалы ауданы:
19 қыркүйекте сағат 14:00-де Сайран көлінің шығыс жағалауында концерт, спорттық және балалар аймақтары, қолөнершілер көрмесі мен фуд-зона ұйымдастырылады.
Әуезов ауданы:
19-20 қыркүйекте Шаляпин көшесі, 22 мекенжайындағы Н. Сац атындағы театр алдындағы алаңда мерекелік бағдарлама өтеді. Оның ішінде балалар байқауы, «I Love Almaty», «Jas Vibe» концерттері және ретро-концерт бар.
Бостандық ауданы:
19 қыркүйекте 11:00-20:00 аралығында Flow Park аумағында ұлттық спорт жарыстары, көрмелер, жәрмеңке, концерт және DJ-сеттер өтеді.
Жетісу ауданы:
19 қыркүйекте 09:00-17:00 аралығында Алматы ипподромында ауқымды мерекелік бағдарлама ұйымдастырылады. Мұнда ат жарысы, ұлттық ойындар, көкпар, құнан бәйге, жамбы ату, теңге ілу, аударыспақ және аламан бәйге сияқты жарыстар өтеді.
20 қыркүйекте Гүлдер паркінде концерт пен кинокеш ұйымдастырылады.
Медеу ауданы:
Мерекелік бағдарлама 12 қыркүйектегі «Таза Қазақстан» акциясынан басталады. Сондай-ақ футбол жарысы, қолданбалы өнер байқауының жеңімпаздарын марапаттау рәсімі, «Гүлденген Алматы!» концерті және Терренкурдағы ашық аспан астындағы кино көрсетілімдері жоспарланған.
Наурызбай ауданы:
18-20 қыркүйекте «Alma-Fest Circus» көшпелі цирк бағдарламасы өтеді. Сонымен бірге концерт, кинокеш және алмадан жасалған шығармашылық жұмыстар көрмесі ұйымдастырылады.
Түрксіб ауданы:
19 қыркүйекте С. Сейфуллин атындағы саябақта 11:00-16:00 аралығында аудандық мерекелік шара өтеді. 20 қыркүйекте Сауранбаев көшесіндегі жаяу жүргіншілер аймағында интерактивті бағдарлама, караоке және ашық аспан астындағы кино көрсетілімі жоспарланған.
Қалада басқа да мәдени шаралар өтеді
Қала күніне орай Алматы музейлерінде тақырыптық көрмелер, театрларда жаңа қойылымдар мен спектакльдер, цирктерде арнайы бағдарламалар ұйымдастырылады. Бұдан бөлек, мәдени және білім беру ұйымдарында байқаулар, экологиялық және қайырымдылық акциялары, спорттық жарыстар өтеді.
Осылайша, Алматыдағы Қала күні биыл бір ғана концертпен шектелмей, қаланың әр ауданын қамтитын кең ауқымды мәдени және ойын-сауық бағдарламасына ұласады.
Келесі материал: Huawei Қазақстанның цифрлық болашағына қалай ықпал етіп жатыр?
Посмотреть эту публикацию в Instagram