Қытайдың Шаосин қаласында өтіп жатқан жеңіл атлетикадан Азия чемпионатында Қазақстан құрамасы аралас 4×400 метрлік эстафетада алтын медаль иеленді деп хабарлайды SteppeNews.kz.
Бұл жарыста қазақстандық квартет – Эльнор Мухитдинов, Мария Шувалова, Андрей Соколов және Аделина Земс – жоғары нәтиже көрсетіп, қашықтықты 3 минут 16.75 секундта жүгіріп өтті.
Спортшылар жарыс барысында тұрақты қарқын сақтап, негізгі қарсыластары – Үндістан мен Қытай құрамаларын басып озып, мәреге бірінші болып жетті.
Осылайша Қазақстан құрамасы аталған эстафетада Азия чемпионы атанып, ел қоржынына кезекті алтын медальді салды.