Алматыда «Қазақфильм» киностудиясының аумағында белгілі кеңестік және қазақстандық актер, театр және кино режиссері, КСРО халық әртісі Шәкен Айманов атындағы Қазақ киносының мұражайы орналасқан. Мұражайдың басты миссиясы – қазақ киносына қатысты баға жетпес мұрағаттық жәдігерлерді қорғау және оның бірегей тарихын сақтау. Бұл біздің жастарды да, қаламыздың барлық шетелдік қонақтарын да қызықтыратын жалғыз және бірегей экспонаттар жинағы. Мұражайды қазақтың белгілі актері, КСРО халық әртісі Асанәлі Әшімов ашты. «Кинематографиямыздың тарихына Шәкен, Сұлтан, Мәжит сынды тұлғалар баға береді. Олардың барлығы үлес қосты. Сондықтан олардың барлығына мұражай қажет», — деді ол ашылуда. Залда «Қазақфильмнің» алғашқы операторлары жұмыс істеген кинотехника, түпнұсқа плакаттар мен киноплакаттар, экспонаттар арасында ресейлік режиссер Сергей Эйзенштейннің фотоаппараты бар. Басты экспонат Шәкен Аймановтың оттықтары, төсбелгілері мен жүзді қаруларының коллекцияларымен қайта жасалған кабинеті болды. Мұражайға қойылған экспонаттардың барлығында қазақ киносының классикасына айналған жауһарлар жасалған кезеңнің тарихы сақталған.. Мәселен, Сұлтан Хожықовтың «Қыз-Жібек» фильмінің қоюшы-суретшісі болған Гүлфайруз Исмаилова басты кейіпкердің бірегей камзолын, көйлегін, сәукелесін сақтап, мұражайға сыйға тартты. Ежелгі кинотехника Иван Лукич Зайцевтің арқасында сақталды, ал ескі фильмдердің плакаттары Меңтай Өтепбергеновтің түпнұсқа күйінде сақталды. Одан бөлек «Қазақ хандығы» (2016), «Томирис» (2019) фильмдеріндегі түпнұсқа костюмдер мен қазақ ертегілерінің кейіпкерлері қойылған. Мұражайдың қалыптасуына Шәкен Кенжетайұлының туған-туыстары орасан зор үлес қосқаны сөзсіз. Бұл кісілердің ұлы ісімізге қосқан үлесі баға жетпес. Бұдан былай музейге келген әрбір қонақ қазақ киносының жанды тарихын тамашалай алады.