STEPPENEWS.KZ: TikTok платформасы Қазақстандағы қолданушылар үшін қауіпсіз ортаны қамтамасыз ету бағытында жұмысын күшейтіп келеді. Ол үшін компания заманауи технологияларды пайдаланып, әлем бойынша ондаған мың маманды тартып, қауіпсіздік құралдарын үнемі жетілдіруде.
Маңызды қадамдардың бірі — сенім мен қауіпсіздік орталығының қазақ тілінде іске қосылуы. Бұл бөлімде Қауымдастық ережелері, пайдалы ақпараттар біріктіріліп, қолданушыларға қажетті мәліметті тез табуға мүмкіндік береді.
Қазақстандағы көрсеткіштер (2025):
— 5,5 миллионнан астам видео ережелерді бұзғаны үшін жойылды;
— олардың 99,9%-ы пайдаланушылар шағымданбай тұрып, алдын ала анықталған;
— 98,5% контент жарияланғаннан кейін 24 сағат ішінде өшірілген.
Жаһандық көрсеткіштер:
— 780 миллионнан астам видео өшірілді;
— 99,1% контент проактивті түрде анықталған;
— 94,2% видео алғашқы тәулікте жойылған.
Жасөспірімдерді қорғау:
Платформа 13 жастан асқан пайдаланушыларға арналған. 2025 жылы әлем бойынша 13 жасқа толмаған балаларға тиесілі 93,5 миллионға жуық аккаунт жойылған.
Тікелей эфир қауіпсіздігі:
2025 жылы тікелей эфирлерге ерекше назар аударылды. Ережелерді бұзғаны үшін әлем бойынша 131 миллионға жуық эфир бұғатталған. Сонымен қатар, платформа монетизация талаптарын бұзған авторларға алдымен ескерту беріп, қайталанған жағдайда табыс табу мүмкіндігін шектейді.
2025 жылдың алғашқы үш тоқсанында шамамен 24 миллион эфир мен 12,5 миллион авторға түрлі шектеу шаралары қолданылған.
TikTok қауымдастық қауіпсіздігі мен барлық жастағы пайдаланушыларды қорғауды басты орынға қоя отырып, қорғаныс механизмдерін енгізуді және модерация құралдарын жетілдіруді жалғастырып келеді.
