Қостанайда полицейлер көлік ұрлаған адамды бір сағат ішінде ұстады, облыстық полиция департаментіне сілтеме жасап.
26 қазан күні түнде Рудный қаласының тұрғыны полицияның кезекші бөліміне хабарласып, аулада тұрған ВАЗ-2114 маркалы автокөлігін белгісіз адамның мініп кеткенін айтты.
Оқиға орнына жедел тергеу тобы мен жақын маңдағы патрульдік полиция жасағы дереу шықты. Тексеру барысында полицейлер көліктің қозғалыс бағытын анықтап, ақпаратты Жедел басқару орталығына жеткізді.
«Дер кезінде алмасқан мәліметтер мен бейнебақылау камераларындағы жазбаларды қарау нәтижесінде ұрланған көліктің «Рудный – Қостанай» автожолы бағытымен кетіп бара жатқаны белгілі болды», — деп жазылған хабарламада.
Жедел әрекеттердің арқасында полицейлер көлікті Қостанай қаласында Абай және Лермонтов көшелерінің қиылысында тоқтатты. Автокөлік бағанға соғылып, жүргізуші ұсталды. Ол – Рудный қаласының 28 жастағы тұрғыны болып шықты.
Аталған факті бойынша «Автомобильдi немесе өзге де көлiк құралын ұрлау мақсатынсыз құқыққа сыйымсыз иеленіп алу» бабы бойынша сотқа дейінгі тергеу басталды.