STEPPENEWS.KZ: Қазақстан көлік экспортының жаңа деңгейіне шықты — отандық компания 600 электр автобусты Пәкістанға жеткізу туралы келісімге қол қойды. Алғашқы автобустар тапсырыс берушіге сәуір айында жөнелтілуі жоспарланып отыр.
Келісім «Қазақстан — Пәкістан» бизнес форумы аясында Исламабадта жасалды. Контракттің жалпы құны 108 миллион долларды құрайды.
Болашақта серіктестік айтарлықтай кеңеюі мүмкін. 2027–2028 жылдарға қарай өндіруші Пәкістанға экспорт көлемін 2000 электр автобусқа дейін ұлғайтуға ниетті.
Қазақстан Республикасының Сауда және интеграция министрлігінің мәліметінше, қазақстандық электр көліктеріне сұраныс тек көрші елдерде — Өзбекстан мен Моңғолияда ғана емес, одан тысқары да артып келеді. Ведомство деректері бойынша, бірнеше Еуропа елдері де электр автобустарға қызығушылық танытып отыр.
