«Қазгидромет» РМҚ қараша айына арналған ауа райы болжамын жариялады.
Синоптиктердің болжамынша, қараша айының бірінші аптасында Қазақстанның басым бөлігінде тұрақсыз ауа райы солтүстік циклонмен байланысты болады. Жауын-шашын жаңбырдың қарға ұласуымен қатар жүреді. Елдің солтүстік жартысында, орталығында және шығысында негізінен қар жауып, бұрқасын болуы ықтимал.
Батыс аймақтарда жауын-шашын ай басында түседі. Мұндай ауа райы жағдайлары екінші және үшінші онкүндіктің кейбір күндерінде қайталанады.
Қарашада екпінді жел, көктайғақ және тұман жиі болады, ал бұрқасын негізінен солтүстік, орталық және шығыс аймақтарында күтіледі.
Қарашаның бірінші онкүндігінде батыс аумақта температура түнде +2+7°С-тан -2-7°С-қа дейін, күндіз +3+10°С-тан +10+18°С-қа дейін ауытқиды. Онкүндіктің соңында күндіз +15+25°С-қа дейін жылынады.
Солтүстікте, орталықта және шығыста онкүндіктің ортасында түнде -7-15°С, күндіз -2-10°С-қа дейін төмендейді. Онкүндіктің соңында шығыс өңірлерді қоспағанда, температура әлсіз оң мәндерге дейін көтеріледі.
Оңтүстік және оңтүстік-шығыста ауа райының өзгеруі болжанады. Түнде 0,-5°С-қа дейін, таулы аймақтарда -13°С-қа дейін, күндіз 0,+8°С-қа дейін төмендейді. 07 қарашадан кейін +5+15°С-қа дейін жылы болады.
Қарашаның екінші онкүндігінде температураның түнде 0,-5°С-тан -10-18°С-қа дейін, күндіз 0,+5°С-тан 0,-8°С-қа дейін ауытқуы күтіледі. Үшінші онкүндікте ең суық кезеңдерде түнде -15-20°С, күндіз -3-10°С дейін төмендейді.
Батыс жартысында, оңтүстігінде және оңтүстік-шығысында екінші және үшінші онкүндікте температура түнде -3-12°С-тан 0,+7°С-қа дейін, күндіз +1+6°С-тан +8+18°С-қа дейін ауытқуы күтіледі. Оңтүстік-шығыстың таулы аймақтарында аяз түнде -5-15°С, күндіз -1-6°С-қа дейін күшейеді.
Жалпы алғанда, қараша айында ауа температурасы ел бойынша нормадан 1°С жоғары болады деп күтілуде.
Қарашада жауын-шашын мөлшері Қазақстанның басым бөлігінде нормаға жуық, республиканың батысында және солтүстік-шығысында — нормадан көп күтіледі. Бұл Солтүстік Қазақстан, Ақмола, Шығыс Қазақстан облыстарында, сондай-ақ Батыс Қазақстан мен Павлодар облыстарының басым бөлігінде, Атырау мен Маңғыстау облыстарының батысында, Қостанай облысының солтүстік-шығысында және Абай облысының шығысында байқалады.