АҚШ-тың Калифорния штатында мұғалім болып істейтін Джастин Гуррола Уиттиер қаласына қарсы сот ісінде жеңіске жетіп, жаяужолда алған жарақаты үшін 7,5 миллион доллар ақшалай өтемақы өндірді.
People басылымының мәліметінше әйел ағаш тамырының кесірінен пайда болған дөңес жерге сүрініп, бетімен құлап кеткен.
Сот құжаттарына сәйкес, оның білезігі, шынтағы және мұрны сынған, сондай-ақ тізесін, мойнын және арқасын жарақаттап алған. Дәрігерлер оған жеңіл бас сүйек-ми жарақаты диагнозын қойды.
Сот талқылауы бірнеше аптаға созылды, содан кейін сот алқасы Уиттиер қаласын болған оқиға үшін толық жауапты деп бірауыздан таныды. Әйелдің адвокаты жергілікті билік көптеген жыл бойы тұрғындардың жаяужолдарға зақым келгені туралы шағымын елемей, тексеру және жөндеу хаттамаларын енгізбегенін атап өтті.
«Қоғамдық қауіпсіздік полиция мен өрт сөндірушілерге ғана қатысты емес. Адамдар немқұрайлылықтан жарақат алып немесе өліп кетпеу үшін инфрақұрылымды жөндеп отыру керек. Трагедияны күтуге болмайды», — деді адвокат.
Гурроланың өзі талап арызды ақша үшін емес, болашақта осындай оқиғалардың алдын алу үшін бергенін атап өтті.