STEPPENEWS.KZ: Алматыда Huawei компаниясының жаңартылған ресми сервис орталығы есігін айқара ашты. Бұл — қызмет көрсету форматын жаңа деңгейге көтерген ауқымды реновация. Енді мұнда заманауи технология, жылдамдық пен клиенттің жайлылығы бір арнада тоғысқан. Брендтің экожүйесі үшін сервис — тек жөндеу орны ғана емес, пайдаланушы мен компания арасындағы сенімді нығайтатын негізгі буын. Сондықтан жаңартылған орталықта процестердің ашықтығы мен диагностиканың дәлдігіне басты назар аударылған.
Орталықтың ішкі құрылымы соңғы үлгідегі диагностикалық жабдықтармен толық қамтылған. Бұл құрылғылардың аппараттық жағдайын терең тексеруге және ықтимал ақауларды ерте анықтауға мүмкіндік береді. Ондағы инженерлер Huawei-дің халықаралық протоколдарына сай жұмыс істейді және тек түпнұсқа бөлшектерді қолданады. Реновация тек техникалық бөлікке емес, келушілерге арналған кеңістікке де әсер етті. Қабылдау аймағы барынша ашық әрі ыңғайлы етіп жасақталған.
Жаңартылған орталықтың ашылуына орай компания клиенттер үшін ерекше ұсыныстар дайындап отыр. 18 ақпаннан бастап жеті күн бойы келушілерге кепілдіктен тыс жөндеу жұмыстарына қызмет ақысын төлемеу, экранға қорғаныш пленкасын тегін жабыстыру және құрылғыны шаң-тозаңнан тегін тазалату мүмкіндігі беріледі. Сонымен қатар Huawei техникасының иелері үшін аксессуарларға жиырма пайыздық жеңілдік қарастырылған. Бұл акциялардың барлығы шектеулі мерзімде, тек реновациядан кейінгі ашылу құрметіне орай ұсынылады.
Huawei үшін сервис — брендтің технологиялық философиясының ажырамас бөлігі. Компания құрылғылардың ұзақ жылдар бойы тұрақты жұмыс істеуін қамтамасыз ету үшін жергілікті инфрақұрылымды дамытуға жүйелі түрде инвестиция салып келеді. Алматыдағы бұл орталық жаһандық стандарттарды Қазақстандағы пайдаланушылардың сұранысына сай тиімді жүзеге асырудың айқын үлгісі болмақ.
