STEPPENEWS.KZ: Атырау қаласында 23 жастағы медицина қызметкерінің өліміне әкеп соқтырған қарулы қақтығыс бойынша 19 адам сот алдында жауап беруде. Қайғылы оқиға 2025 жылдың 16 тамызында мейрамханалардың бірінде өткен той кезінде басталған. Қонақтар арасындағы өзара келіспеушілік соңы жаппай төбелеске ұласып, тараптар таныстарын көмекке шақырған.
Түн ортасына қарай екі топ қала сыртындағы бос алаңда кездесіп, қақтығыс кезінде аңшы мылтықтары мен тапаншалар қолданылған. Атыс барысында сол жерде болған жедел жәрдем фельдшері ауыр жарақат алып, оқиға орнында көз жұмды. Қарулы қақтығыстан кейін күдіктілер қару-жарақтарын жасырып, оқиға орнынан бой тасалаған.
Қазіргі таңда ұсталғандарға «Адам өлтіру», «Бұзақылық» және «Қаруды заңсыз сақтау» баптары бойынша айып тағылуда. Күдіктілердің ең үлкені небәрі 25 жаста. Айыпталушылардың бір бөлігі тергеу изоляторында отырса, қалғандары үйқамауға алынған.
