SteppeNews.kz: 28 гвардияшы панфиловшылар саябағында өткен мерекелік концертке қала тұрғындары көптеп жиналды. Таңғы сағат 10:00-де басталған шарада отандық өнер жұлдыздары халыққа көтеріңкі көңіл-күй сыйлап, патриоттық әндер орындады. Сахнада Роза Рымбаева, Серікбол Сайлаубек, «КешYOU», «Muzart Life» және басқа да өнерпаздар өнер көрсетті.
Мерекелік күн барысында Даңқ мемориалына гүл қою рәсімі ұйымдастырылып, соғыс ардагерлері мен Отан жолында қаза тапқан батырлардың рухына құрмет көрсетілді.
Сонымен қатар қала көлемінде театрландырылған қойылымдар, әдеби кештер, қайырымдылық акциялары және түрлі мәдени бағдарламалар өтті. Мереке тұрғындарға ерекше әсер сыйлап, бейбіт өмірдің қадірін тағы бір мәрте еске салды.
