STEPPENEWS.KZ: Алматыда өткен BYD Kazakhstan компаниясының баспасөз іс-шарасы отандық автонарықтағы маңызды өзгерістердің айқын көрінісіне айналды. Іс-шараға қатысушылар үшін бұл тек жылдық қорытынды емес, Қазақстанда жаңа энергия көзіндегі көліктердің (NEV) қалай қарқынды дамып жатқанын көзбен көруге мүмкіндік болды.
Astana Motors құрамындағы BYD Kazakhstan 2025 жылдың қорытындысы бойынша NEV сегментінде Қазақстанда да, әлемде де көшбасшы атанды. Қазақстанның автомобиль одағының (ҚАО) дерегіне сәйкес, брендтің ресми дилерлері бір жыл ішінде 3 245 электр және гибридті көлік сатқан. Нәтижесінде BYD-тің NEV сегментіндегі нарықтағы үлесі 76 пайызға жеткен.
Іс-шара барысында компанияның Қазақстандағы дистрибуция директоры Антон Кущ BYD-тің бұл жетістігі кездейсоқ емес екенін атап өтті:
«BYD – NEV сатылымы бойынша әлем чемпионы. Біз үшін әлемдік көшбасшыны тану – зор мәртебе, ал клиенттердің сенімі – біздің ең жоғары құндылығымыз. Іс жүзінде BYD Қазақстанда NEV көлігіне деген тұтынушылардың сұранысын қалыптастыруда. Біз жергілікті нарықтағы көрсеткіштерімізбен мақтанамыз. Себебі ол экологиялық таза көліктердің жалпы сатылымының төрттен бірін құрайды. Бұл өнімнің құндылығын және брендтің елде танылуын растайтын айтарлықтай артықшылық».
Қазақстанда ең көп сұранысқа ие NEV модельдерінің бесеуі де BYD брендіне тиесілі. Атап айтқанда, BYD Song Plus DM-i гибридті кроссовері (1 534 дана), BYD Yuan Up электр кроссовері (872 дана), BYD Song Plus EV (609 дана), BYD Sealion 7 (123 дана) және BYD Han люкс электр седаны (79 дана) сатылым бойынша алдыңғы қатарда. Электр көліктері мен қосылатын гибридтердің сатылым арақатынасы тиісінше 52% және 48% болды.
Антон Кущтың айтуынша, брендтің нарықтағы табысы технологиялық басымдықтармен тікелей байланысты:
«BYD-дің мынадай артықшылықтары бізге бүгін және болашақта табысқа жетуге сенім береді. Олар – әлемдегі ең қауіпсіз Blade Battery аккумуляторлары, инновациялық DM-i қосылатын гибридті технологиясы, көлік функцияларын қашықтан басқаруға арналған BYD APP қосымшасы, автокөлікті мобильді электр станциясына айналдыратын V2L жүйесі және басқа да ресурстар».
Компания алдағы кезеңде Қазақстандағы дилерлік желіні кеңейтіп, модельдік қатарды жаңартуды, сондай-ақ BYD стандарттарына сай сервистік қызмет көрсетуді күшейтуді жоспарлап отыр. Сонымен қатар экологиялық таза көліктің маңызын арттыру бағытындағы жұмыстар да жалғасын табады.
Қазіргі таңда BYD-тің Қазақстандағы ресми дилерлік желісінде 20 орталықта сертификатталған 200-ге жуық техникалық маман жұмыс істейді. Astana Motors бренді Қазақстанда ғана емес, Өзбекстандағы ең ірі BYD дилерлік желісінің де иесі болып отыр.
Іс-шарада MyCharge қуаттау станциялары желісінің дамуы да сөз болды. Бүгінгі таңда Қазақстанның 9 қаласында MyCharge станциялары жұмыс істейді. 2026 жылы компания олардың санын екі есеге арттыруды көздеп отыр.
BYD-тің жаһандық жетістіктері де әсерлі. Соңғы 12 айда Қытайдан тыс елдерде бір миллионнан астам NEV көлігі сатылған. Ал 2025 жылдың желтоқсан айында компания 15 миллионшы автокөлігін шығарып, рекордтық нәтижеге қол жеткізді.
BYD-тің тұрақты өсімінің негізінде ауқымды ғылыми-зерттеу жұмыстары жатыр. Компанияның жалпы R&D инвестициясы 220 миллиард юаньнан асып, шамамен 26,6 миллиард еуроны құрады. Тек 2025 жылдың өзінде зерттеу мен әзірлемелерге 6 миллиард доллар жұмсалған, бұл алдыңғы жылмен салыстырғанда 30 пайызға көп.
Осының барлығы көліктің тек экологиясы мен технологиясымен ғана емес, күнделікті қолданудағы жайлылығымен де өлшенеді. BYD модельдерінде мультимедиалық жүйе жүргізуші мен көлік арасындағы байланысты жеңілдетуге бағытталған. Үлкен сенсорлы экран, интуитивті интерфейс және қазақ, орыс тілдеріне бейімделген мәзір навигация мен басқаруды ыңғайлы етеді. Смартфонмен жылдам синхрондау, дауыспен басқару функциялары және қашықтан басқаруға мүмкіндік беретін BYD APP қосымшасы көлікті күнделікті өмірдің ажырамас бөлігіне айналдырады. Бұл шешімдер жүргізушіні артық әрекеттерден босатып, жолға назар аударуға мүмкіндік береді. Нәтижесінде, BYD көліктеріндегі мультимедиа — тек экран немесе қосымша емес, көлік жүргізу мәдениетін жаңа деңгейге көтеретін құрал ретінде қабылданады.
