STEPPENEWS.KZ: OtzAlt кеңістігінде Жер экожүйесіндегі адамның рөлін жаңаша бағалауға, сондай-ақ даму мен жойылу арасындағы нәзік тепе-теңдікке арналған «Басым болудың шегі бар ма?» атты топтық көрме ашылды.
Ғасырлар бойы адам өзін жаратылыстың шыңы, ғаламшардағы басты әрі саналы тіршілік иесі ретінде қабылдап келді. Алайда бүгін бұл түсінік барған сайын күмән тудыра бастады. Ғылым, техника және өнер салаларындағы жетістіктер экологиялық дағдарыстармен, биологиялық алуан түрліліктің азаюымен және табиғи ресурстардың сарқылуымен қатар өрбіп отыр. Өмірге, жасампаздыққа ұмтылыс біртіндеп кеңею мен үстемдікке деген құштарлыққа ұласуда — дәл осы өзгеріс көрменің негізгі өзегіне айналған.
Жоба планетаның тұрақтылығы, экожүйедегі әрбір, тіпті ең ұсақ бөлшектің де маңызы зор екені туралы ой қозғайды. Бүгінгі таңда Жер бетінде шын мәнінде кім үстемдік етіп отыр? Адам табиғаттағы үстем жағдайын қанша уақыт сақтап қала алады? Табиғатқа деген таңданыс неге жиі оны жоюмен аяқталады — және болашақта өзге бір жол, балама сценарий мүмкін бе?
Экспозицияда Қазақстанның әр өңірінен жиналған фотографтардың жұмыстары ұсынылған. Олар кескіндеме, графика және инсталляциялармен өзара үндестік тауып, адам мен қоршаған орта арасындағы байланысты, жауапкершілік пен ықпал ұғымдарын, сондай-ақ қалыптасқан иерархияларды қайта қарауға жетелейтін тұтас көркем кеңістік қалыптастырады.
EFES Kazakhstan компаниясының маркетинг директоры Зейнеп Эркан Альптың айтуынша, Efes Art Space — бүгінгі күн мен болашақ туралы ашық әрі шынайы әңгіме өрбитін алаң.
EFES Kazakhstan компаниясының маркетинг директоры Зейнеп Эркан Альп:
«Efes Art Space — бұл бүгінгі күн мен болашақ туралы ашық әрі шынайы әңгіме өрбітетін кеңістік. “Доминанттық көкжиектер” көрмесін қолдай отырып, біз адамның табиғат пен қоғам алдындағы жауапкершілігі мәселесіне назар аудартқымыз келеді. Өнер күрделі сұрақтарды қоюға және қалыптасқан көзқарастарды қайта ойлауға шабыттандыратын бірегей күшке ие — дәл осындай диалог бүгін ерекше маңызды»
