14 қыркүйекте Қытайдың Сиань қаласынан Y499 туристік пойызы жолға шықты. Пойыз батыс бағытта жүріп, Шыңжаңдағы Қорғас шекара бекеті арқылы өтіп, Қазақстанның Алматы қаласына бағыт алды.
2026 жылы «Қытай – Орталық Азия» екінші туристік пойызының (Сиань – Алматы) іске қосылуы жоба үшін сынақ рейстерінен тұрақты қатынас кезеңіне өтудің басталғанын көрсетті.
Сапар 15 күн 14 түнге есептелген. Пойыз 25T үлгісіндегі жұмсақ жатын вагондардан және екі жоғары жайлылықтағы 19K вагонынан құралған. Жолаушыларға төрт және екі орындық купелер, сондай-ақ екі кісілік төсегі бар купелер ұсынылады. Купелердің бір бөлігі жеке душ және дәретханамен жабдықталған.
Пойыз шағын топтарға арналған жоғары деңгейлі туристік қызмет үлгісі бойынша жұмыс істейді. Жолаушыларға жеке қызмет көрсетіліп, пойыз олардың сапар бағытына қарай қозғалады. «Баяу саяхат және тереңірек танысу» қағидаты туристерді жол бойындағы ауыс-түйіс пен жүк тасымалдау мәселесінен босатады.
Маусым айында ұйымдастырылған алғашқы рейспен салыстырғанда бұл сапардың жалпы ұзақтығы бір күнге қысқарған. Дегенмен негізгі туристік нысандардың барлығы бағдарламада сақталған. Саяхатшылардың қалауы ескеріліп, екі бағыт ұсынылады.
А бағыты – Қазақстан бойынша саяхат. Пойыз Қорғас өткізу бекеті арқылы Алматыға өтіп, қала мәдениеті мен Қазақстанның далалық көшпелі дәстүрлерімен танысуға мүмкіндік береді. Бағдарламаға Алматыдағы Сиань Синхай көшесіне бару да енгізілген.
В бағыты – Шыңжау бойынша айналма тур. Бұл бағытта шекарадан өту қарастырылмаған. Бағдарламаға Солтүстік және Оңтүстік Шыңжаудың негізгі туристік орындары – Канас, Хэму, Уцайтань жағалауы, Сайрам-Нұр көлі, Нарат таулы жайлаулары, Дуку тасжолы және Қашғардың көне қаласы кіреді.
Маршрут Гуаньчжун жазығын, Хэси дәлізін, Шыңжау мен Орталық Азияның ішкі өңірлерін қамтиды. Сапар барысында табиғи ландшафттар, тарихи мұра және жергілікті дәстүрлермен танысу мүмкіндігі қарастырылған.
«Маусымдағы алғашқы рейстің жолаушысы болу бақыты бұйырды. Сапар барысында Шыңжаудың әсем табиғатын тамашалап, туған жеріміздің кеңдігін сезіндім, түрлі халықтардың мәдениетімен танысып, Орталық Азияның өзіндік ерекшелігін көрдім. Бұл өте әсерлі әрі есте қаларлық саяхат болды», – деді Мэн ханым.
Пойыз «Жібек жолының жылжымалы қонақ бөлмесі» қызметін де атқарады. Сапар кезінде туристер үшін дәстүрлі қолөнер бойынша шеберлік сабақтары, ұлттық әндер мен билер, Жібек жолы музыкалық аспаптарымен таныстыру және дәстүрлі қытай медицинасы бойынша іс-шаралар ұйымдастырылады.
Туристік өнімді ұйымдастыру жүйесін жетілдіру аясында бағдарлама одан әрі жаңартылады. Ұйымдастырушылардың мәліметінше, «Қытай – Орталық Азия» үшінші туристік пойызын қазан айының соңында іске қосу жоспарланған.
Жаңартылған бағдарлама Қазақстан бойынша кеңейтілген саяхатқа бағытталып, Алматыдан тыс өңірлерге арналған экскурсиялар санын арттыру көзделіп отыр.
Келесі материал: Istanbul Modern музейінде «Бір көк аспан астында» көрмесі ашылды