Қытайдың Шыңжаңдағы Ақсу өңірінде жүзеге асқан Кекияны көгалдандыру жобасы шөлейттенумен күрестегі табысты бастамалардың біріне айналды. Биыл жобаның басталғанына 40 жыл толып отыр. Осы уақыт ішінде бұрын құм басқан, өсімдік өспейтін алқап бүгінде көкке көмкерілген орманға айналды, деп хабарлайды SteppeNews.kz.
Жоба 1986 жылы басталған. Сол кезде қаржыландыру мен арнайы техниканың тапшылығына қарамастан, өңір тұрғындары өз күштерімен ағаш отырғызуға кіріскен. Мыңдаған адам шөлейтті аймақты көгалдандыруға атсалысып, кейін бұл бастама Кекия рухы деп аталатын еңбек пен бірліктің символына айналды.
Алғашқы орманшылардың бірі Сун Цзяньцзян Кекияда 37 жылдан бері еңбек етіп келеді. Оның айтуынша, бастапқы жылдары тұзданған әрі қатты топыраққа көшет отырғызу өте қиын болған. Соған қарамастан, табанды еңбектің арқасында ағаштардың жерсіну көрсеткіші жоғары нәтижеге жеткен.
Уақыт өте келе жоба тек экологиялық бастама ғана емес, экономикалық тұрғыдан да тиімді модельге айналды. 1990-жылдары Ақсуда «Орман орманды асырайды» қағидаты енгізіліп, қорғаныш ормандарының арасына алма, құрма және басқа да жеміс ағаштары отырғызыла бастады. Кейін жеке инвесторлар тартылып, бағбандық пен ауыл туризмі дамыды.
Бүгінде Кекиядағы орман алқаптарының 85 пайыздан астамын шаруашылыққа пайдаланылатын жеміс ағаштары құрайды. Бұл жергілікті тұрғындардың табысын арттырып, жаңа жұмыс орындарының ашылуына мүмкіндік берді.
Кекия тәжірибесі кейін Ақсу өңіріндегі тағы төрт ірі экологиялық жобаға негіз болды. Олардың жалпы аумағы 60 мың гектардан асады.
Кекияның 40 жылдық тарихы бүгінде арнайы мҚытайдың Шыңжаң өңіріндегі Кекия жобасы 40 жыл ішінде шөлейтті алқапты жасыл орманға айналдырды.емориалдық музейде таныстырылып келеді. Мұнда 1986 жылдан 2022 жылға дейінгі спутниктік суреттер арқылы шөлейттің орманға айналу кезеңдері көрсетілген.
Қазіргі таңда Кекия жобасы Қытайдағы шөлейттенумен күрестің және экологиялық тұрақты дамудың табысты үлгілерінің бірі ретінде бағаланып, табиғатты қорғау мен халықтың әл-ауқатын қатар дамытуға бағытталған тәжірибе ретінде жалғасып келеді.