STEPPENEWS.KZ: Таяу Шығыстағы жағдайдың шиеленісуіне байланысты Иран аумағында жүрген Қазақстан азаматтарына елден құрлықтағы өткізу бекеттері арқылы шығу мүмкіндігін қарастыру ұсынылды.
Сыртқы істер министрлігі Әзербайжан, Армения, Түркия және Түрікменстанмен шектесетін шекаралар арқылы шығуды ұсынды. Бағытты нақтылау және кеңес алу үшін азаматтарға алдын ала қазақстандық дипломаттармен байланысуға кеңес беріледі.
Сондай-ақ отандастарға жеке қауіпсіздік шараларын күшейту ескертілді: адам көп жиналатын орындардан және бұқаралық іс-шаралардан аулақ болу, аса қажетті емес сапарларды шектеу, жергілікті биліктің ресми ақпаратын тұрақты қадағалау және жеке құжаттарды үнемі өзімен бірге алып жүру қажет.
Елшілік жанынан консулдық көмек алу және өз орналасқан жері туралы хабарлау үшін тәулік бойы жұмыс істейтін жедел байланыс желілері ашылған.
