STEPPENEWS.KZ: Алматыда қызылшаға қарсы екпенің екі дозасын да алған тұрғынның дертке шалдығуы мамандардың назарына ілікті. Санитарлық-эпидемиологиялық бақылау департаменті бұл жағдайды науқастың екінші дозаны алғанына екі апта толмауымен түсіндіреді. Дәл осы аралықта ағзада ауруға қарсы қорғаныс қабаты әлі де толық қалыптасып үлгермейді.
Бұл жағдай жалғыз емес, қалған 33 науқастың да вакцинация курсын соңына дейін аяқтамағаны белгілі болды. Жыл басынан бері мегаполисте қызылшаның 482 дерегі тіркелсе, оның басым бөлігі, яғни 425 жағдайы екпе алмаған балаларға тиесілі. Қазіргі уақытта қаладағы эпидемиологиялық ахуал әлі де күрделі күйінде қалып отыр.
