STEPPENEWS.KZ: Исламабадта өткен ресми сапар аясында Қазақстан Президенті Қасым-Жомарт Тоқаев Пәкістанның ең жоғары мемлекеттік наградасы – Nishan-e-Pakistan орденімен марапатталды. Бұл мәртебелі марапат екі ел арасындағы достық байланысты нығайтуға қосқан айрықша үлесі мен халықаралық аренадағы беделі үшін мемлекет басшысына көрсетілген ерекше құрметтің белгісі болды.
Салтанатты шарада Пәкістан Президенті Асиф Али Зардари мен Премьер-министрі Шахбаз Шариф орденді Мемлекет басшысына табыс ете отырып, Қазақстанның аймақтық тұрақтылықтағы маңызды рөлін атап өтті. Айта кетейік, бұл марапат дәстүрлі түрде Пәкістанның өркендеуіне еңбегі сіңген азаматтарға және әлемдік деңгейдегі ірі саяси қайраткерлерге ғана беріледі. Жиынға Пәкістан Үкіметінің мүшелері, Парламент депутаттары мен дипломатиялық корпус өкілдері қатысып, бұл сәттің екіжақты қарым-қатынастағы тарихи маңызына куә болды.
