Қарағандыда спорт саласындағы екі танымал тұлға — Олимпиада чемпионы Серік Сәпиев пен самбодан әлем чемпионы Дәурен Есімханов арасында жанжал шықты. Оқиға соңы төбелеске ұласып, Сәпиевтің соққыға жығылғаны анықталды. Бұл туралы STEPPENEWS.KZ хабарлайды SPORTBUGIN.KZ сілтеме беріп.
Жанжалдың себебі не?
Sportbugin.kz таратқан мәліметке сүйенсек, келеңсіз оқиға 21 қаңтар күні Қарағанды қаласында орын алған. Жанжалға Қарағанды облыстық спорт басқармасының басшысы Серік Сәпиев пен оның орынбасары Дәурен Есімхановтың арасындағы қызметтік түсініспеушілік себеп болған. Алдын ала дереккөздердің хабарлауынша, орынбасары басшының келісімінсіз маңызды құжаттарға қол қойған. Бұл жағдайға ашуланған Сәпиевке орынбасары күш көрсеткен.
Оқиғаның мән-жайы қандай?
Самбодан әлем және Азия чемпионы Дәурен Есімханов күрес әдістерін қолдана отырып, басшысын соққыға жыққан. Салдарынан Олимпиада чемпионы дене жарақатын алып, киімі жыртылған.
Құзырлы органдардың әрекеті
Қазіргі уақытта аталған дерек бойынша «Денсаулыққа қасақана зиян келтіру» бабымен қылмыстық іс тіркелді. Серік Сәпиевтің алған жарақаттарының ауырлық деңгейін анықтау мақсатында сот-медициналық сараптама тағайындалды.
Полиция департаменті мен құзырлы органдар істің толық мән-жайын зерттеп жатыр. Қос чемпионның арасындағы бұл қақтығыс спорт қоғамдастығында үлкен талқылау тудырды.
