STEPPENEWS.KZ: Әлемдік деңгейдегі чип өндіруші Nvidia компаниясы жасанды интеллекті (AI) қолданатын жаңа физикалық өнімдерді кеңейту мақсатында өзін-өзі жүргізетін көліктерге арналған Alpamayo технологиялық платформасын таныстырды.
Лас-Вегаста өткен жыл сайынғы CES технологиялық конференциясында сөз сөйлеген компания басшысы Дженсен Хуанг бұл жүйе автономды көліктерге «ойлау қабілетін» беретініне сендірді.
Оның айтуынша, бұл технология көліктерге тәжірибеде сирек кездесетін жағдайларды бағалап, күрделі орталарда қауіпсіз жүргізіп, өз әрекеттерін түсіндіруге мүмкіндік береді.
Nvidia Mercedes компаниясымен бірге бұл технологияны қолданатын жүргізушісіз көлікті шығаруды жоспарлап отыр. Алғаш АҚШ нарығына шығарылады, кейін Еуропа мен Азия елдеріне таралады.
Еске сала кетейік, Nvidia чиптері жасанды интеллект революциясын ілгерілеткенімен, қазірге дейін көпшілік назар көбінесе ChatGPT сияқты бағдарламалық қамтамасыз етуге аударылған болатын.
Алайда қазіргі таңда алдыңғы қатарлы технологиялық компаниялар AI‑ды физикалық өнімдерде, мысалы көліктерде қолдануға ерекше көңіл бөле бастады.
