2025 жылғы 11 тамыздан бастап Қазақстанда жаңа бизнес-идеяларды жүзеге асыруға арналған 400 АЕК (1 572 800 теңге) көлеміндегі грантқа өтінім қабылдаудың екінші кезеңі басталады. Бұл грант – қайтарымсыз көмек, тек бір рет беріледі.
✅ Кімдер өтініш бере алады?
1. Тіркелген жұмыссыздар
2. Жеке кәсіпкерлер (тіркелгеніне 3 жылдан аспауы тиіс)
Сондай-ақ, үміткер келесі әлеуметтік санаттардың біріне жатуы керек:
-
мүгедектігі бар тұлғалар;
-
«қандас» мәртебесі бар азаматтар;
-
межрегионалдық қоныс аударушылар;
-
аз қамтылған отбасы мүшелері;
-
көпбалалы отбасы мүшесі (ерлі-зайыптылардың бірі);
-
мүмкіндігі шектеулі бала тәрбиелеп отырған ата-ана;
-
асыраушысынан айырылған жағдайда төлем алушылар.
📚 Қосымша талап:
Үміткер «Бастау Бизнес» жобасы аясында кәсіпкерлік негіздері бойынша оқудан өткен болуы тиіс (соңғы 3 жыл ішінде).
📝 Өтініш беру тәртібі:
-
business.enbek.kz порталына тіркелу;
-
Грант талаптарына сәйкестікті тексеруден өту;
-
Бизнес-жоспардың дайын шаблонын жүктеп алып, толтырып қайта жүктеу;
-
Өтініш формасын толтырып, ЭЦҚ (электронды қолтаңба) арқылы растау.
Егер интернетке қолжетімділік болмаса, Халыққа қызмет көрсету орталықтары мен жұмысқа орналастыру орталықтарындағы өзіне-өзі қызмет көрсету аймақтарына жүгінуге болады.
💼 Грант не үшін беріледі?
Грант төмендегі мақсаттарға жұмсалуы мүмкін:
-
құрал-жабдық, технологиялық техника сатып алу;
-
мал, құс, көшет, тұқым, көшірме материал алу;
-
ғимарат жалдау ақысын төлеу.
❌ Грант мына мақсаттарға берілмейді:
-
тұтынушылық шығындар (мыс: телефон, теледидар, жиһаз);
-
несие жабу;
-
үй сатып алу немесе салу;
-
жер телімі сатып алу;
-
акциздік өнім (темекі, ішімдік) өндірісі.
🧾 Шешім қалай қабылданады?
-
Үміткер бизнес-жоспарын аудандық/қалалық комиссия алдында қорғайды;
-
Комиссия мүшелері бизнес-идеяны бірнеше критерий бойынша бағалайды:
-
идеяның бәсекеге қабілеттілігі;
-
нарықтың талдануы;
-
қаржылық тұрақтылық;
-
кәсіпкерлік қабілеттері;
-
жаңа жұмыс орындарын құру әлеуеті.
-
Комиссия шешімі business.enbek.kz порталындағы жеке кабинетке жіберіледі.
Егер грант берілсе, банктік реквизиттер ұсынылады, келісімшарт жасалып, үміткер ай сайын онлайн есеп тапсырып отырады. Барлық процесс электронды форматта, ешқайда бармай-ақ жүзеге асырылады.
🔔 ЕСКЕРТУ:
Грантқа өтінім беру 2025 жылғы 11 тамыздан бастап ашылады.
Сілтеме: https://business.enbek.kz
