1. Автогаз қымбаттайды
Энергетика министрлігі сұйытылған газдың шекті бағасын өсіреді:
-
Көтерме баға: 51 932 → 59 722 теңге/тонна
-
Бөлшек баға: өңірге байланысты 7–10 теңгеге/литрге өседі
Бұл жанармай бекеттеріндегі газдың бағасына тікелей әсер етуі мүмкін.
2. АҚШ бірқатар қазақстандық өнімге баж салығын енгізеді
1 тамыздан бастап АҚШ қазақстандық экспортқа 25% кедендік баж салығын енгізеді. Мұнай, уран және металдар бұл тізімге кірмейді. Салық енгізілетін өнімдер:
-
фосфор
-
бидай желімі
-
оптикалық линзалар және т.б.
Сарапшылар бұл Қазақстан ішіндегі бағаға да әсер етуі мүмкін екенін ескертеді.
3. Пәтерді қолма-қол сатып алуға тыйым салынады
Үлестік құрылыс жобаларында тек банктік аударым арқылы есеп айырысуға рұқсат етіледі.
Қолма-қол ақша беру заңсыз саналады.
Бұл қадам ашықтық пен азаматтардың құқықтарын қорғау үшін енгізіліп отыр.
4. ҰБТ-ның тамыз айындағы кезеңі өтеді
Тестілеу мерзімдері:
-
Электронды формат: 10–20 тамыз
-
Қағаз формат: 17–20 тамыз
Қатыса алатындар: биыл және былтыр мектеп бітіргендер, педагогикалық бағытта ақылы оқығысы келетіндер.
5. «Аквамәдениет туралы» заң күшіне енеді
13 тамыздан бастап жаңа заң аясында бұрынғы балық шаруашылықтары «аквакультура субъектілері» ретінде заңдастырылады.
Олар енді:
-
субсидия
-
жеңілдетілген салық
-
сақтандыру
-
мемлекеттік қолдау құралдарын пайдалана алады.
6. Ұлттық ауыл шаруашылығы санағы басталады
1 тамыз – 20 қазан аралығында өтеді:
-
1–31 тамыз: онлайн сауалнама
-
20 қыркүйек – 20 қазан: интервьюерлер сұхбат өткізеді
Санаққа фермерлер, аграрлық кәсіпкерлер және қосалқы шаруашылық иелері қатысады. 5 мыңнан астам адам жұмылдырылады.
7. Дженнифер Лопес Қазақстанда концерт береді
Поп-жұлдыздың UP ALL NIGHT: LIVE IN 2025 турнесі аясындағы концерттері:
-
1 тамыз – Астана Арена (Астана)
-
10 тамыз – Орталық стадион (Алматы)
Билет бағасы: 40 000–180 000 теңге аралығында.
8. Конституцияның 30 жылдығы атап өтіледі
30 тамыз – Қазақстан Конституциясының қабылданғанына 30 жыл.
Бұл күн сенбіге түскендіктен, демалыс күні 1 қыркүйекке (дүйсенбі) ауыстырылады.